مُجَـــرَّد حُـــلْـــم..

مراقبة الانتخابات - تجربة فريدة من نوعها 3,4 يناير 2012

2012-01-10T06:06:00.001+02:00

يوم 3 و4 يناير 2012 شرفت اني اكون مراقبة للعملية الانتخابية تبع جمعية كل المصريين لحقوق الانسان بتصريح من اللجنة العليا للانتخابات
بدأت اليوم تقريبا من الساعة 9.. اللجان اغلبها اتفتح في معاده الساعة 8 واللي اتأخر اتأخر حاجة بسيطة - الكلام ده على الحيز بتاعي في شارع كلية اداب والثانوية
بدأت دخول اللجان تباعاً

شارع الثانوية:

لجنة مدرسة العسكرية
المدرسة الميكانيكية المتقدمة
المدرسة الزخرفية
مدرسة سيدي يونس

ملاحظات في شارع الثانوية:

مدرسة سيدي يونس كان فيه ناس بتصوت مع بعضها ورا البرفان
قدام المدرسة على الجانب الاخر من الطريق اللي هو فرق 10 متر مثلا واحد قاعد بلاب توب بيشوف اللجان للناس تبع مرشح اسمه علاء رزق نازل فردي فئات
محل حلاق اعتقد برده كان مشغل كمبيوتر لنفس الغرض تبع نفس المرشح
توجيه مباشر للمرشح الفردي وحيد فودة.. ده حصل معايا انا شخصيا وانا لابسة اي دي المتابعة :D
كان فيه مجموعة تانية برده بتوجه لمرشح على اول الشارع بس شكوا فيا للاسف معرفتش اقرب منهم
لاب توب اعتقد للسلفيين والله اعلم على اول الشارع برده
ورق اتوزع على اول الشارع باسم الثورة مستمرة (الورق ده بالذات كان مريب شوية لاني وقتها مكنتش لابسة الاي دي وكنت بعيد عنه ولقيت واحد جايلي مخصوص بيقولي حضرتك نازلة متابعة صح !!! قلتله اه قالي طيب فيه ورق بيتوزع على اول الشارع ولما رحت اصوره اللي كان بيوزع كان عارف انه مخالفة وهو نفسه قال كده وقلتله طبعا وصورته وصورت الورقة وخدت نسخة منه )

شارع كلية آداب:

مدرسة شجرة الدر
مدرسة الامام محمد عبده
مدرسة خالد الطوخي
المدرسة اللي جنبها مش فاكرة اسمها ايه
الثانوية الجديدة للبنات

ملاحظات في شارع كلية اداب:
خيمة الحرية والعدالة وقدامها الناحية التانية خيمة حزب النور
اعضاء حملة الثورة مستمرة كانو لابسين تيشرتات عليها صورة الهرم واي دي برده عليه الصورة دي
بصراحة مدرسة الثانوية الجديدة من اكتر اللجان إلتزاماً ونظاماً
لجنة كبيرة من الجيش كانت بتمر.. قطعو اليفط اللي كانت متعلقة على المدارس في وقتها على طول
شارع الجلاء:

مدرسة عمر بن عبد العزيز

مدرسة الزراعة الثانوية

التكوين المهني

ملاحظات في شارع الجلاء:

اتوبيس عليه استيكر الحرية والعدالة وناقل ناس
مقر الحرية والعدالة اللي قبل السلخانة واللي جنب البريد مفتوح
مقر المرشح الفردي عمرو موسى مفتوح
مدرسة الزراعة كانت الزحمة جوه كتير جدااا وكان فيه طول الطريق جوه ناس قاعدة بتوجه الناس اللي داخلة (التوجيه جوه المدرسة لحد اللجان) لحزب النور
عريبة وحيد فودة كانت رايحة جاية في الجلاء
مقر هشام الداودي اتفتح شوية وبعدها اتقفل

شارع مستشفى الصدر:
مدرسة شهداء 25 يناير
الملاحظات:

المدرسة دي بالذات كان عندي مشكلة معاها.. لجنة 54 و55 فيها المستشار كان بيطرد اللي بيدخلو متابعين.. قالولي كده قبل ما ادخله.. دخلت وقفت دقيقتين وبعدها لقيته بيقولي مش تابعتي يلا اتفضليالمستشار كان بيدخل مع الناخبين ورا البرفان.. الله اعلم كان بيخليهم يكتبو ايه بس دخل قدامي مع كذا حد ورا البرفان ومكنش الناس دي ولا كبيرة في السن لدرجة انها متعرفش تكتب ولا مش بتعرف تقرا وتكتب اصلا لانهم كانو بيمضوا قبل ما يدخلو قدامي
المدرسة دي بالذات عديت عليها في اليومين حوالي 4 مرات مثلا وحضرت فيها التقفيل اول يوم والنور قطع قبل التقفيل ب10 دقايق وكانو بيقفلو على نور الموبايلات والشمع
كان فيه توجيه مباشر قدام المدرسة للسيدات.. صورت واحدة فيديو وهي بتوجهني لحزب النور
على طول الشارع كان فيه سلفيين بأجهزة لاب توب

مدرسة سيدي يس:
اجهزة لاب توب تبع الحرية والعدالة قدام اللجنة

المعهد الديني الأزهري:
الشباب بتوع المعهد بصراحة عاملين شغل حلو اوي في التنظيم جوه وكانو بيمنعو توجيه اي حد جوه

مدرسة شجرة الدر بجديلة:
بجوار المدرسة محل مفتوح لحساب حزب النور وكم سلفيين قدام المدرسة رجالة وستات بياخدو اي حد داخل المدرسة يكلموه ولو مش عارف رقمه يجيبهوله

مدرسة جديلة الاعدادية:
ناس قاعدين بلاب توب على طول الطريق معرفتش احدد هم تبع مين
الظابط المسئول عن المدرسة لقيته بيقولي متطوليش هم 5 دقايق وتخرجي.. مش عارفة ليه بصراحة انا دخلت وقعدت براحتي وخرجت بعدها

مدرسة الصم والبكم:
لاب توب اعتقد تبع حزب النور جنب سور المدرسة
مفيش حاجة مميزة تانية

مدرسة السيدة عائشة:
لاول مرة ألاقي حد بيوجه للكتلة المصرية ومرشح فردي ولاء الحسيني

مدرسة ام المؤمنين:
كان فيه واحدة بتوجه الناس لوحيد فودة جوه المدرسة قدام اللجان.. تقريبا موظفة بس ملحقتش اعمل حاجة لاننا كنا قبل غلق اللجنة النهائي ب5 دقايق مثلا
دي اللجنة اللي حضرت فيها التقفيل ونقل الصناديق للاستاد.. المستشار موافقش اي حد من المناديب يركب مع الصناديق ورا.. ركب معاها اتنين موظفين بس
العربية كان فيها الملازم قدام جنب السواق ووراه بعربية تانية الاربع مستشارين وعربيات المناديب وميني باص فيه باقي المناديب
قابلو عربية تانية من لجنة شهداء 25 يناير ومشيو ورا بعض لحد الاستاد
العربيات كانت ماشية من غير تأمين تماما.. ولا مدرعة ولا دبابة ولا اي حاجة خالص
عربية منهم دخلت الدراسات.. للاسف ملحقتش ادخل وراها والتانية كملت على طول للاستاد
الهرج والمرج اللي كان يومها عند الاستاد كان اكتر من اللازم.. عربيات من لجان تانية كانو سايبين المناديب مع الصناديق ورا فكانو راكبين فوقها بالمعنى الدقيق
الدخول كان مهزلة.. المستشارين نفسهم كانو بيتمنعو من الدخول والمناديب والمراقبين.. الناس كانت بتتسلق عربيات الصناديق علشان يدخلو معاها لانها كانت العربيات الوحيدة اللي بتدخل بسهولة

ملاحظات عامة:

التوجيه المباشر اللي شفته بعيني قدام اغلب اللجان كان من حزب النور وحزب الحرية والعدالة.. حققو رقم قياسي في خرق الصمت الانتخابي يومها
المستشارين كانو بيعالجو المواقف بطرق مختلفة.. يعني قدامي مستشار جاتله واحدة عجوزة اوي ومش بتعرف تقرا ولا تكتب قالها اختارلك مين يا حاجة.. قالتله مش عارفة اي حاجة.. في الاخر خلاها تحط ايدها على اي رمز واختارهولهامستشار تاني حصل معاه الموقف ده مرضاش يخليها تكتب حاجة وهي مش عارفة كده وخلاها تسيب الورق فاضية... صوت باطل يعني
أغلب المستشارين كانو بيرحبو بينا ومش بيضايقو من وجودنا
الناس مش فاهمة ايه مهمة المتابع او المراقب.. الموظفين كانو بيتعجبو جداا لما يلاقوني داخلة والمستشار بيرحب بيا.. اكتر سؤال اتسألته:
هو انتي بتقبضي مرتب من الجمعية دي؟
هو انتو ليكو مقر هنا؟
هو انتي من المنصورة؟
وكانو بيبقو في قمة الاذبهلال لما يعرفو اني صيدلانية واني متطوعة واني مش باخد حاجة من الشغل ده بس بيفضلو متوجسين مني خيفة كده :D

من اكتر المواقف الكوميدية.. لقيت مندوبة من حزب النور جوه لجنة بتقولي هو انتي رأيك ايه في موضوع انهم يشوفو وش المنقبة علشان تدلي بصوتها؟ قلتلها المفروض قانونا لازم المستشار يشوفها بس وديا بيخلي حد من الموظفات يشوفها.. يبقى غلس اوي يعني لو اصر يشوفها بنفسه وفيه موظفة موجودة.. لقيتها بتقولي ما انتو كويسين اهو مال ايه بقى :D :D

دي اغلب ملاحظاتي في اليومين بتوع الانتخابات
الفيديوهات هنزلهالكم لما بس افضى ارفعها كلها لانها كتير شوية
بما اننا بنعيد كلاكيت تاني مرة فأعتقد المرة دي هدور على حاجات معينة وانا بلف على اللجان

تجربة فريدة من نوعها

أسبوع تدويني ضد حكم العسكر 1- ربنا يرحمك يا علاء

2011-12-27T11:21:00.000+02:00

المفروض التدوينات دي كانت تبقى طول الاسبوع

لكن للأسف كان عندي شغل وشوية حاجات كده

هتكلم عن حاجة واحدة بس

من ضمن الشهداء (ان شاء الله) اللي قتلو الاسبوع اللي فات كان د/علاء عبد الهادي

كمل 23 سنة بعد استشهاده بيومين

طالب في خمسة طب عين شمس.. متطوع دائم في المستشفيات الميدانية في التحرير وخصوصا عيادة كنتاكي

قبل ما ينزل يوم الجمعة 16-12-2011 كتب على بروفايله على النت ( اما انزل اشوف فيه ايه.. استرها معانا يا رب)

نزل ووقف في المستشفى الميداني .. وكانت نتيجة طهره وطيبته ونقاءه انه اتقتل برصاصة في راسه

الفترة دي وقع شهداء كتير.. ربنا يرحمهم ويصبر اهلهم وينتقم من اللي قتلهم واللي سكت على قتلهم

بس علاء معرفش ليه صورته فضلت وهتفضل قدام عيني.. ولما عرفنا انه اصلا من طنطا وانه اتدفن فيها وان اهله عايشين فيها قررنا ان اقل حاجة نعملها اننا نعزي والدته

يوم الخميس 22-12-2011 سافرت انا ومجموعة من اصدقائي لطنطا.. وصلنا تقريبا على الساعة 2 ونص وقابلنا اصدقائنا من هناك لانهم من نفس بلد علاء.. ركبنا ووصلنا بلده (محلة مرحوم) على الساعة 3 الا 10

اول ما نزلنا من الاتوبيس لقينا الصورة دي

بسم الله الرحمن الرحيم

"ولا تحسبن الذين قتلوا في سبيل الله امواتاً بل أحياء عند ربهم يرزقون"

صدق الله العظيم

البطل/ علاء عبد الهادي النني

شهيد محلة مرحوم

لن نترك حقك

رحنا بيت جدته.. قابلنا والدته وخالته هناك

قعدنا معاهم تقريبا تلت ساعة مش اكتر

ما شاء الله على والدته.. قمة في الاحترام والصبر والأمل في بكرة

كانت بتدعي لمصر واحنا قاعدين اكتر مما كانت بتدعي لعلاء

قالتلنا اننا الامل.. وان الخونة هم اللي ضيعوا البلد.. وانهم هيفضلوا يحاولو يجيبو حق علاء وحق اللي ماتو من زمايله

وان الناس اللي بتقول عليه بلطجي دول ميعرفوش انه مات وفي ايده الشاش وكان بيقول لزمايله هاتو المصاب ده علشان ألحقه واتضرب الرصاصة دي

احنا كنا ماسكين نفسنا علشان هي كانت متماسكة.. كنا حاسين اننا صغيرين اوي قدامها

خالته كانت قاعدة معانا بس متكلمتش كتير.. كل اللي قالته انهم هيفضلو يحاولو علشان يجيبو حق علاء

لما نزلت معانا سألتها تقربله ايه لانها شكلها صغير ومكناش نعرف هي مين.. قالتلي انا خالته بس كنا اصحاب علشان فرق السن الصغير اللي بينا

بعدها رحنا المقابر.. كنا عايزين نسلم عليه قبل ما نمشي

كانت اصعب حاجة في اليوم كله اننا نقف قدام قبره ومش عارفين نقوله ايه.. مش عارفين نعتذر ولا نقوله احنا بنعمل اللي نقدر عليه.. ولا احنا تافهين اوي جنبك.. ولا ربنا اختارك علشان انت احسن مننا كتيييير اوي وربنا بيختار الشهداء وان شاء الله تكون شهيد عنده وتشفعلنا ويكون دمك هو اللي يطهر البلد دي ويطهر نفوس الناس فيها

ربنا يرحمك يا علاء

ربنا يرحم كل اللي ماتو علشان البلد

ربنا يصبر اهاليكم كلكم

ربنا يفتح بصيرة الناس انها تشوف اللي بيموتو دول مين بالظبط

ربنا ينتقم من كل اللي عملو كده فيكم

حسبي الله ونعم الوكيل فيهم كلهم

وعلشان قبل كده كنا بنقول ان الشرطة هي اللي بتقتل.. وان الامن المركزي هو اللي بيضرب بالعصيان

فالمرة دي اللي بيقتل هو جيشنا العظيم المثابر.. هو اللي اخلاقه سمحتله يضرب بنات ويقتل شباب وشيوخ ويعمل حتى اشارات بذيئة للمتظاهرين

علشان كل ده

بقولها المرة دي ومش خايفة.. مش هيحصل اكتر من اللي حصل

يسقط يسقط حكم العسكر

وش الشمس.. هينور :)

2011-12-15T04:49:00.000+02:00

من كام يوم كان انطلاق مدونة (وش الشمس)

تتحدث عن طفولتنا المشردة

ذكريات الطفولة

ازاي اثرت على حياتنا لحد دلوقتي

ازاي بنفتكرها.. بنشتاقلها

ده لينك المدونة:

مدونة وش الشمس

المدونة مشتركة لكل من:

هشرفنا وجودكم وتشريفكم لينا :)

القاهرة.. وذكريات العودة

2011-12-08T23:58:00.001+02:00

بعد فترة انقطاع لعدة شهور قررت أرجع تاني هنا

بيتي الأصلي في الكتابة.. يمكن البيج بتاعت الفيس بوك شغلتني شوية بس المدونة ليها وضع تاني خالص

عارفة ان الكلام ده مش هيقراه ناس كتير يمكن نتيجة فترة الانقطاع

بس انا محتاجة اكتبه واقراه لنفسي

الشهور اللي فاتت عملت علامة في حياتي مقدرش امسحها حتى لو كنت دلوقتي تعبانة بسببها

مذكراتي من يوم 17 ابريل بالذات كانت مختلفة عن اي فترة في حياتي

اليوم ده كان بداية شغلي في القاهرة.. بداية حلمي في القاهرة بمعنى آخر

كنت كل يوم اصحى مش مستوعبة ان انا فعلا هناك.. كان بالنسبة ليا وظيفة الأحلام

بحمد ربنا كل يوم على الفترة دي حتى بالحاجات اللي مكنتش حلوة فيها.. مفتقداها بكل ما فيها

اول مرة اشتغل شغلانة احس فيها اني بعمل حاجة مفيدة.. بطلع أفكار .. بتواصل مع ناس

بعيش حياة بالنسبة ليا كانت تحدي لنفسي

وطبعا بالنسبة للمجتمع كانت تحدي ليه هو كمان

والمجتمع مقبلش التحدي ده

وقهرني في الاخر لانه مش بيقبل نقاش

بس في يوم المجتمع ده هيعرف الفرق

ما علينا

المهم ان صدر القرار اني أرجع بعد 6 شهور.. يعني في اخر شهر 10

قضيت الفترة اللي باقية في القاهرة في حياة حالمة.. خيالية

كنت بحاول استمتع بكل يوم

كانت اجمل حاجة كنت بعملها هناك اني اروح اقعد في الساقية

كانت بالنسبة ليا إلهام في حد ذاتها

ارتبطت بالأماكن والأشخاص والشوارع وحتى المواصلات

علشان كده فترة الانتقال دي اصعب من اي فترة دي

مازلت في فترة تخبط.. فترة عدم استقرار وانتقال من مرحلة مليئة بالأحداث إلى فترة حتى الآن فارغة معناً ومحتوى

أعراض الانسحاب بتحاصرني كل ما افتكر اني خلصت منها وبعدت.. بترجع تاني بموقف او تليفون او ذكرى من الأيام دي

رغم الأفكار الكتير اللي بتيجي اليومين دول إلا ان التخبط ده موقف تنفيذ اي حاجة منها

يا رب تنتهي على خير الفترة دي

-----------------------------------------------------

راجع لغربة بعد غربة

قلبي يأن من الحنين

وحشوه اوي رغم البعاد

لساه بيبدأ من جديد

وحشوه اوي

لكنه عارف انهم شاهدين عليه

على حب جواه ملكهم

على ذكرى كانت منهم

شالها بعيد عن الزمن

يمكن في يوم يرجعلها

يكون في يوم محتاجلها

تكون كحضن يطمنه

ويفرحه

ويحسسه انه بجد حبهم

وارتحلهم

وعشان كده

بحبكم

إلى كل أصدقائي القاهريين.. اللي بيهم عشت احلى فترة في حياتي لحد دلوقتي

وحشتوني اوي :(

ثورة من جديد

2011-12-06T04:41:00.003+02:00

عندما زرته بعد الثورة الأولى حاولت أن أستشعر خطوات من سبقوني فيه.. آثار أقدام الشهداء وأنفاسهم.. طهرهم الذي يعطر الميدان

لكني فشلت...

روح الميدان زالت من الأجواء

حل مكانها أطياف البشر.. بخيرهم وشرهم.. بطيبتهم وخبثهم

لكن بعد عشرة أشهر.. عاد الميدان

عاد بسبب جهل ونفاق وفساد واستهزاء بالشهداء.. فامتلأ مرة أخرى

عاد الميدان

وعاد النقاء

وطهرته دماء الشهداء

وعندما زرته هذه المرة.. شعرت بأنفاس الحرية

بعبق الطهارة

بروح الحياة

الميدان يعني (العيش والحرية والعدالة الاجتماعية)

يعني (لا للفساد)

يعني (مصر فوق كل شيء)

يعني (التضحية)

يعني (الشجاعة)

يعني (الصبر)

يعني (الرجولة)

يعني أطهر ما في مصر

غبطت كل من استطاع النزول هناك.. وذهبت عندما استطعت كي أحمل بعضاً من هذا الفخر

هنيئاً للشهداء

هنيئاً لكل من أصيب هناك

أنتم رويتم أرض مصر الطاهرة بدمائكم.. لتنمو شجرة الحرية والخير لنا جميعاً

أنتم خير من بمصر.. وخير من عاش على أرضها

جزاكم الله عنَّا خيراً.. وأعاننا على استرجاع حقوقكم

لقاء المدونين بالمنصورة يوم الجمعة 30/9

2011-09-28T12:33:00.000+02:00

السلام عليكم

اصدقائي المدونين

انا خلاص نويت ارجع ان شاء الله في يوم اللقاء ده للمدونة

وعايزة كل واحد يقدر ييجي يومها ينورنا

بقالنا كتير معملناش لقاء في المنصورة... والمنصورة مستنياكم :)

تفاصيل اللقاء :

التفاصيل كاملة في مدونة ندى الياسمين في اللينك ده

http://ndaelyasmeen.blogspot.com/2011/09/309.html

برنامج اليوم هايكون كالآتي

هانتقابل ان شاء الله كبداية فى كافيه هاي لايت الى قدام بوابة الجامعه الرئيسيه طوال

الناس الى حضروا معانا اللقاء الى قبل الى فات كنا روحنا هناك كافيه لطيف وهادي وكده

هانقعد شويه ونشرب الشاي وناكل الكيييييك ايون وبعدين الى هاينزل يصلي الجمعه ينزل يصلي ويرجعولنا

بعدين ننزل نتغدى فى اي مكان بقى الى هانتفق عليه نتغدى في الشارع كله مليان مطاعم من كل الانواع

بعد كده ان شاء الله هانروح على نادي الكهربا ..نادي هادي وجميل ونضيف وعلى النيل وان شاء الله يعجبكم

وان شاء الله نحاول نروح دار ابن لقمان او نركب مركب فى النيل او الاثنين معا حسب الوقت والتساهيل

طبعا انا وباقي مدونين المنصوره هانكون فى الكافيه من الساعه عشره وتشرفونا بقى وقتما تشاءوا

هايكون مع ندى الياسمين يومها تليفون اللقاءات

0126379796

هتفتحه شويه يوم الخميس اخر النهار عشان الى عايز يستفسر عن حاجه للطريق او كده

وبعد كده اول ما تصحي يوم الجمعه هتفتحه بقى لباقي اليوم

يا رب يبقى يوم حلو وتتبسطو فيه

عيد جديد وصفحة جديدة

2011-08-30T02:40:00.000+02:00

مش جايلي عين اكتب في المدونة وانا عاملة فيها كده

ده التراب اللي بقى عليها مش عارفة اشيله ازاي :\

واصحابي اللي مش عارفة اتابعهم مش عارفة برده اعمل ايه معاهم :(

المنعطفات كترت اوي في حياتي.. لدرجة اني تعبت منها بصراحة

وبجملة المنعطفات قلت اجرب اعمل حاجة جديدة بمناسبة العيد بكرة

مجرد حلم - دعاء سلطان

ده لينك الصفحة بتاعت مدونتي على الفيس بوك

تجديد حسيت انه ممكن يرفع معنوياتي شوية الفترة دي

يشرفني تواجدكم معايا هناك كمان

الطريق للتحرير

2011-07-20T12:42:00.000+02:00

هل سأنال شرف الوقوف في نفس موضع أقدام شهداء الثورة؟

أتحسس خطاهم وأتتبع عبقهم

أرى ما رأوا بأعينهم من أسراب الحمام الأبيض وهو يرفرف في قلوبهم قبل أن يكون أمامهم

أتحسس طريقي بين ملائكة الرحمة التي تصلي وتدعو بالمغفرة لهذا النبع الأصفى .. أرقى من مشى هنا منذ أن وجد هذا الميدان

لا أدري لماذا سمي سابقاً بالتحرير.. لكنه اليوم يستحق هذا اللقب ولا يليق به غيره

ترى هل رأوا الجنة لحظة استشهادهم؟

ماذا رأى الشهيد المبتسم عند موته كي يبتسم هكذا؟

هل رأى دموع أمه الممتزجة بفرحتها؟

هل سمعها وهي تدعو أن يتقبله الله في شهدائه؟

هل أحس بنبض قلوب المصريين تودعه وتدعو له وتفرح من أجله؟

لمن فرقتنا اليوم؟؟

تجمعنا في سبيل الله

في سبيل الوطن

من أجل الحلم والعلم

والآن تفرقنا الظنون

"إن بعض الظن إثم"

إثم أن ترمي أخاك بتهمة الخيانة

إثم أن تحرض أخاك على أخيك

إثم أن تفكر في مصلحة.. وتنسى الوطن

إثم أن تنسى الغاية والأمل والحلم

كم أثمنا حقا.. ونحتاج لتوبة لتعيدنا لبراءة ثورتنا الأولى

ربما ألفنا الفرقة فلم نلبث أن نعود إليها، لكن بذرة الوحدة ستنضج ما دامت التربة صالحة..وهي كذلك الآن بعدما تجهزت بسماد الحرية وتنفست نسيم الفخر

يوما ما سنعود.. وأتوقع أنه اقترب بإذن الله

أما ميدان التحرير فلابد أن يكون بداخل كل منا.. نقطة نعود إليها لنصلح الأخطاء ونحتج على أنفسنا إذا قصرت في طريقها.. نقطة تجمعنا بقلوبنا إذا ابتعدنا

هكذا سيظل ميدان التحرير في عيني.. ميدان الحرية والفخر والمطالبة العادلة بحقوق البسطاء

يوم 29 و30 : ختام الشهر

2011-06-30T22:00:00.000+02:00

حملة التدوين اليومي

اليوم التاسع والعشرون

نفس الفترة تمر باستحضار نفس الأحاسيس

ربما تفتقد النفس ألمها فتبحث عنه

ربما صارت مريضة به فتفتش عنه وسط السعادة

ربما..!!

لا أدري ربما ماذا

يكفيني أن نفسي تحتاجني بجوارها

وسوف لن أخذلها هذه المرة أيضاً

--------------------------------------------------------------

حملة التدوين اليومي

اليوم الثلاثون

مر بسرعة اوي الشهر ده

عارفة اني اعتبر مش استغليته خالص في حملة التدوين لاني مشغولة لدرجة اني مكنتش عارفة ادخل انزل التدوينة اليومية وطبيعي مكنتش عارفة اتابع باقي المدونات

اعذروني... وادعولي ربنا يسترها معايا في الشغل وتبقى الفترة دي زي ما انا عايزاها تكون

الحاجة اللي استفدتها الشهر ده من المدونة هنا اني صالحتها شوية.. ولو اني زعلت باقي المدونات بس بجد غصب عني

--------------------------------------------------------------

التفاؤل يولد تفاؤل.. وااليأس يَقتُل باليأس

وبينهما تتبدل الأحوال من فرح ويأس ولامبالاة

اللهم أدم علينا التفاؤل نعمة واحفظها من الزوال ياااااا رب

يوم 28: البيانو.. واحساس الراحة !!

2011-06-28T18:50:00.000+02:00

حملة التدوين اليومي

اليوم الثامن والعشرون

البيانو.. تلمس أزراره لتنطلق روحك وتصفو

تنسجم مع نغمات الموسيقى وتنساب المشاعر في تناغم

كم افتقد هذا الاحساس

كم أفتقد كل احساس بالراحة !!

يوم 25,26,27: محاكمة الغير

2011-06-28T17:52:00.000+02:00

حملة التدوين اليومي

اليوم الخامس والسادس والسابع والعشرون

اليومين دول اكتشتف فيهم ان الواحد ممكن يحكم على حد بالشكل بس.. ويطلع غلطان اوي

وممكن يبوظ حياة حد بتَدَخُّله فيها.. ويخرج منها كأنه معملش اي حاجة

حياتي العملية على المحك

والله اعلم ايه اللي هيحصل فيها.. منه لله اللي كان السبب بقى

يوم 24 : pursuit of happiness

2011-06-25T03:26:00.001+02:00

حملة التدوين اليومي

اليوم الرابع والعشرون

Do never let some body tell you.. you can't do something
you've got a dream, you've to protect it.
if you want something.. go get it

=====================================

What if this dream doesn't suit other people ??

What if you see it possible and other see it crazy ??

Me against the society

society which I get what from it?? I don't know !!

يوم 21,22,23 : شبه بعضها

2011-06-23T22:05:00.001+02:00

حملة التدوين اليومي

اليوم الحادي والثاني والثالث والعشرون

أيام شبه الأيام.. لكن مش هيا

خايفة اوي من الدنيا

مش عارفة اتكلم اليومين دول

يوم 20: قصة لا تنتهي !

2011-06-20T19:32:00.000+02:00

حملة التدوين اليومي

اليوم العشرون

بدأت في كتابة قصة.. لا أريدها تنتهي

تتجسد فيها أحداث وأحاسيس لا أظنها توجد في الواقع.. ربما لهذا أكتبها كي تكون قِبلة لمن يبغي الخيال

كل سيعيشها يوم يقرأها.. وسيحاول أن يعيشها في الواقع ثم يستيقظ من غفلته

الخيال جامح.. ومؤلم أيضاً !

يوم 19: النيل

2011-06-19T22:27:00.000+02:00

حملة التدوين اليومي

اليوم التاسع عشر

النيل ومياهه الساحرة

كنت اعتدت أن أجلس أمامه فتختفي كل همومي.. يتفتح قلبي وأتنفس نسيم الراحة والصفاء

كان يخرج أسراري سواء شئت أم أبيت.. لم أستطع يوماً منعه من ذلك

لكنه كان يخرجها ليعالج ألمها لا ليشمت بها مثلما قد يفعل البشر

اعتاد أن يريحني لا ليقتلني

اليوم وبعد أن اقتربت منه كثيراً.. وأصبحت لا يمر يوم دون أن أراه.. فقد كل مهاراته معي

لم يعد كسابق عهده

يوم 18: الاختناق !!

2011-06-18T17:51:00.002+02:00

حماة التدوين اليومي

اليوم الثامن عشر

يضيق الكون أحياناً ليصبح في حجم فتحة الابرة الصغيرة..

ويكبر أحياناً ليصبح كوناً !!

في هذه اللحظة أراه ضيق

ترى متى سيكبر؟!!

يوم 17: العالم المثالي !!

2011-06-17T14:14:00.000+02:00

حملة التدوين اليومي

اليوم السابع عشر

اليوم تبتعد عن الطيبة وحسن الظن بأقرب الناس إليك

لترى العالم المثالي الذي تعيشه ضرب من الخيال

ماذا تراك تفعل في هذا العالم وحدك؟

هل يوجد من هو مثلك؟

يوم 16: !!!

2011-06-16T22:00:00.002+02:00

حملة التدوين اليومي

اليوم السادس عشر

منتصف المسافة في الشهر التدويني

كانت رحلة حلوة ولسه الباقي منها ان شاء الله.. ولو اني مش بستغلها صح بس هعمل غصب عني بقى

===============================================

القلب يسعى لمنتهاه.. ولا يصل إليه

هل يسعى في يوم منتهاه إليه؟!!!

يوم 15: الإيجابية

2011-06-15T22:37:00.000+02:00

حملة التدوين اليومي

اليوم الخامس عشر

النهاردة هتكلم على الايجابية

هو المفروض اننا مش نسكت على الغلط.. لو كنا بنسكت عليه زمان دلوقتي بعد الثورة بلدنا محتاجة اننا مش نسكت على الغلط

انا عايزة اقدم شكوى في المترو

عربيات السيدات اللي في المترو نوعين.. العربيات اللي لونها اخضر اللي هي للسيدات لحد الساعة 9 مساءاً.. والعربيات اللي لونها احمر اللي هي للسيدات المفروض 24 ساعة

لما اركب المترو الساعة 10 ونص علشان اتأخرت في مشوار في عربية السيدات اللي لونها احمر اللي عايزة اركب فيها علشان ابقى مطمنة نوعاً ما في الوقت المتأخر ده وألاقي العربية كلها رجالة وقاعدين كمان والسيدات كلهم واقفين يبقى ده اسمه ايه؟

لا وكمان بيعزموا على بعض

المفروض اعمل ايه؟؟

يوم 14: رحلة وحيدة

2011-06-14T18:17:00.003+02:00

حملة التدوين اليومي

اليوم الرابع عشر

تتحرك السيارة على الطريق.. رغم كون صديقتي الجديدة معي إلا أني كنت أشعر أني وحدي لأقصى مدى

أفتقد أصدقاء طفولتي .. أفتقد أقرب أصدقائي إليَّ

تمر السيارة على معالم القاهرة من شرقها لغربها.. ألمح طريق يحمل بعض الذكريات.. وطريق آخر يحمل ذكريات آخرين.. مول كبير واناس من مختلف الجنسيات والشخصيات تملأ المكان.. فاترينات مضيئة لتجذب الزبائن.. البعض يسير متجهم.. والبعض الآخر مبتهج.. والبعض لا يدري على ماذا يتجهم أو يبتهج فيلتزم الحياد.

مكتبة الشروق وجولة حول الرفوف تنتهي باختيار الأعمال الكاملة لأمل دنقل.. أتوبيس إلى ميدان الحرية ( التحرير ) بهواء يرتطم بالوجه ليزيل آثار الخيبة والخوف.. ثم آخر للمحطة الأخيرة حيث الوحدة تكتمل بصوت أم كلثوم تغني ( ألف ليلة وليلة ).

ليلة حافلة.. ينقصها الصحبة فقط

وحشتوني اوي يا اصحابي.. بجد مفتقدااااكم اوي :(

يوم 13: الحياة

2011-06-13T22:00:00.001+02:00

حملة التدوين اليومي

اليوم الثالث عشر

فاكرين لعبة (فتحي يا وردة.. قفلي يا وردة) اللي كنا بنلعبها زمان واحنا صغيرين؟

اللعبة دي بتفكرني بالحياة

تفتح وبعدين تقفل

وبعدين ترجع تفتح تاني.. وتقفل تاني.. وهكذا

مفيش حد هتفضل فاتحة معاه على طوووول.. ولا العكس إلا في حالة واحدة.. انه هو يختار يسيبها مقفولة معاه ومش يحاول يفتحها تاني

يستسلم ليها بمعنى أصح

الدنيا لسه فيها اكتر مما تتخيل

عيشها صح علشان مش تندم على استسلامك بعد كده

يوم 12: عمر ينسحب

2011-06-12T22:09:00.003+02:00

حملة التدوين اليومي

اليوم الثاني عشر

عمر كحبات عقد انفرط.. لحظات تمر لا تدري متى ولا أين.. عمر لا تدري هل عشته أم عاشك

عام فرح.. عام حزن

تمر اللحظات أمامك كفيلم بطله غيرك.. إحساسك غيرك.. طبيعته غيرك.. حتى ردود أفعاله غيرك.

وتفيق فجأة لتجد نفسك في مشهد مطلوب منك تأديته بعد أن كنت تعيشه كمتفرج يلبس نظارة ثلاثية الأبعاد.

عام ألم.. عام أمل

أمنيات تموت وأخرى تولد من رحم اليأس.. حياة شارفت على الموت لموت أملها.. ثم يولد أمل جديد مع انبعاث نور الصبح.

تلمح الصباح.. والآمال.. والأحزان تراها تبتعد ككائنات ليلية لا تتحمل ضوء الأمل.

عام أمن.. عام خوف

تأخذك الحياة في مدارها دون أن تدري أو تتوقف.. تسامح وتصالح ثم ترى خطأ عدم اتباعك لنصيحة أمل دنقل ( لا تصالح ).

تشعر برغبتك في الحياة فتقبل عليها دون أي حذر.. ثم تفاجأ أن حبك لم يكن في محله.. أن ثقتك لم تكن في محلها.. أن إيمانك بأشياء لم يكن أبداً في محله.. تنقلب ثقتك في العالم لخوف من المجهول.. خوف من عدم كونك على استعداد للتعايش مع الحياة أو الخوض فيها واقتحامها.

تراك كنت محقاً في خوفك هذا؟؟

عام حب.. عام جرح

قليلون من يؤمنون بالحب إيماناً صادقاً.. حتى من يفعل فكثيراً ما يكفر به في يوم من الأيام ولا يدري هل من الممكن أن يستعيده أن هذا فرط خيال.

الخطأ في ذلك أنك تتعامل مع الطرف الآخر كأنه أنت بكل طباعك وعاداتك ومعتقداتك وكأنه يعيش بداخلك فيدري سبب كل تصرف لك ، بل ويعرفه قبل أم تفعله.. هل هذا منطق؟؟

لا أحد يعلم عنك كل هذا غير الله.. ثم أنت ولا أحد غيرك.

لذا عندما تتألم حتى وإن شاركك المحيطون بك، لكنهم لن يدركوا مدى إحساسك مهما حاولوا أو ادعوا ذلك

عام براءة.. عام انتقام

أتذكر عندما كنا أطفالاً كم كنا أنقياء.. كان لا يلوح بأذهاننا أبداً معنى الانتقام .. كنا لا ندري ما تعني هذه الكلمة.. لم تكن تتمنى لأحد إلا الخير حتى لو كسر دميتك أو أخذ قطعة الشيكولاته الخاصة بك.

عندما كنت تبكي.. كنت تعلم أن بكاءك سيحل الموقف ولن تضطر للحزن بعدها.

هكذا كانت الحياة بسيطة.. وراقية.

أما الآن.. لا أرى سبب يجعلك تتمنى الخير لشخص أذاك أو ظلمك.. لا أرى سبب يجعلك تثق بأحد للدرجة التي معها قد تشعر بالألم.

ربما ظلم الطفولة كان أرق وأرقى.. وظلم الحياة في ذروتها لا يعرف الرحمة فتلح عليك فكرة الانتقام.

من قال أن الانتقام يعنى الشر أو الظلم؟

الانتقام الشريف يعني دعوة الله أن يرد المظالم في الدنيا قبل الآخرة... هل هناك أعدل من ذلك؟؟

الحياة مليئة بالأعوام المتناقضة.. لكننا لا نملك سوى التعايش.. والتعلم.. والتمني

يوم 11: التصالح مع النفس

2011-06-11T22:00:00.000+02:00

حملة التدوين اليومي

اليوم الحادي عشر

انا ليه حسيت اني النهاردة صحيت فجأة

حسيت اني كنت منعزلة عن العالم بقالي كتير وفجأة بدأت افوق

هو عدى سنة كاملة على شغلي في آخر صيدلية قبل التكليف

كانت مدة شغلي فيها 3 شهور يعتبروا اسوء تلات شهور في عمري لحد دلوقتي

كنت مدمرة نفسياً ورغم ضغط الشغل إلا انه لو مكنش موجود كان ممكن يحصلي حاجة بصراحة

كانت مراحل الاكتئاب بتتزايد كل يوم اكتر

دلوقتي ببص على الفترة دي من حياتي وبقول هو انا ليه كنت بعمل في نفسي كده؟

فيه حاجة في الدنيا تستاهل ان الواحد يتعب نفسه علشانها كده؟؟ لحد دلوقتي معتقدش

مفيش اي حاجة اياً كانت تستاهل انك تتخاصم يوم مع نفسك

هي اللي باقيالك غير اي حاجة تانية... لو خسرتها يبقى ساعتها خسرت كل حاجة

صالح نفسك قبل ما تصالح اي حد تاني.. هتكسب كتير اوي لو عملت كده على طول لانها فعلا مش تستاهل غير كده

يوم 10: إختلاف القيم

2011-06-10T22:00:00.000+02:00

حملة التدوين اليومي

اليوم العاشر

الدنيا بقيت وحشة اوي يا جدعان

اخوات بيبيعوا بعض وبياكلوا في لحم بعض بمعنى اصح

وناس بتخدع في بعض

وناس بتمثل على بعض

وناس بتخون بعض

انا بقيت مش قادرة اتعايش مع الواقع

حاسة اني بخبط في الواقع مش بتعايش معاه

هو انا صح ولا غلط؟؟؟

ساعات كتير الواحد بيقعد يفكر هو صح ولا غلط

في تصرفاته... في أفكاره.. في قيمه

انا تايهة اوي

يوم 9: الخوف

2011-06-09T20:00:00.002+02:00

حملة التدوين اليومي

اليوم التاسع

اسوء حاجة انك تكتشف ان قلمك مش زعلان منك

ان انت اللي زعلان من نفسك علشان كده مش عارف تكتب

او تكون خايف من قلمك وخايف من اللي هيكتبه

يا ترى ايه الحل في الحالة دي؟؟؟

يوم 8: الوحدة

2011-06-08T22:00:00.001+02:00

حملة التدوين اليومي

اليوم الثامن

حلو اوي انك تدور على حلمك.. وتجري وراه وتتعب علشانه

وتفكر ازاي توصل لطريق يوصلك ليه

وتتمسك برأيك حتى لو اغلب الناس مختلفة معاك فيه

بس ترجع بعد فترة تحس انك لوحدك.. محدش معاك

شايف الحلم بيبعد ويقرب.. وبتجري وراه لوحدك

ساعات بتبقى نفسك حد يجري معاك

لو وقفت تاخد نَفَسَك تلاقي حد بياخد ايدك

وانت كمان تاخد ايديه

بس ساعات بيبقى الاحساس ده بعيد

ساعتها مش هتلاقي قدام نفسك غيرك

يا اما تتصاحب عليها وتكتفي بيها في الوقت الحالي

يا اما تتمرد على حالتك دي وبالتالي مش هتبقى مرتاح

-----------------------------------------------------------

الحلم الوحيد يملأ الفراغ بوحدته

وزهرة الحلم ترتقي لتملأ الأجواء بعطر نفيس

ثم نفيق لنجد إما العطر.. او الفراغ

يوم 7: درس من الحياة

2011-06-07T22:22:00.000+02:00

حملة التدوين اليومي

اليوم السابع

اد ايه الواحد بيحس ساعات انه مقصر في حاجات كتير ومع ناس كتير اوي

واكتر حد ممكن الواحد يحس انه مقصر معاه .. نفسه

لما تقصر مع نفسك بتحس انها بتبعد عنك.. تحس ان روحك بتسيبك

تخيل هتقدر تعيش من غير روحك دي اد ايه؟؟

==========================================

الحلم لا يرى النور

تحجبه غيوم الواقع

ورهبة المستقبل

وخوف من المجهول.. والمعلوم

---

هو انا كنت صح في حلمي !!!!!!!

يوم 6: خالد سعيد

2011-06-06T21:37:00.001+02:00

حملة التدوين اليومي

اليوم السادس

6 يونيو

ذكرى استشهاد خالد سعيد

هو كان حاسس باللي هيحصل بعد موته ده؟

كان هيبقى احساسه ايه لو عرف ان اللي بيحصله في وقتها هيطلع الغضب اللي جوه كل واحد ضد الظلم والقهر والنظام الجائر؟

كان هيبقى احساس اهله ايه وقتها لو حاسوا ان ابنهم مش مات من غير فايدة.. اه مات وخسروه بس قدام موته مصر كسبت نفسها تاني؟

ربنا يصبرهم ويتقبله في الشهداء يااااا رب

============================================

خالد

اعذرنا لو قصرنا

بس ان شاء الله هنوصل

يوم 5: الانتقام من النفس

2011-06-05T20:04:00.000+02:00

حملة التدوين اليومي

اليوم الخامس

شوق لنفسي السابقة

يحملني على الانتقام من نفسي الحالية لعل القديمة تعود

لا أدري هل إن عادت ستكون بنفس الغباء؟

أم ستتعلم كيف تقتل من يؤلمها ثم ترثيه أشد الرثاء؟

هل ستتعلم كيف تحمي ذاتها ولو كانت ستقتل بذلك البشرية جمعاء؟

هل ستتعلم أن تعيش مع معنى الانتقام ربما يتحقق أمامها يوماً ما؟

هل ستتعلم كل هذا؟؟

حقاً لا أعتقد

===============================

المفروض ان حملة التدوين اليومي المطلوب منها غير التدوين اني اتابع وادخل عند باقي المدونين

بس للأسف اليومين دول غير ان فيه ظروف في الشغل ، كمان مزاجي مش مظبوط خالص ومش عارفة اركز في كده

انا آسفة

يوم 4: الحياة !!

2011-06-04T21:39:00.000+02:00

حملة التدوين اليومي

اليوم الرابع

الحياة تهفو لأليف

قد يبدو بعيداً عنها

تتلمس طريقها إليه

تراه حيناً.. وحيناً يتوه منها

ثم ترى الأليف الحقيقي

هي ... ذاتها

يوم 3: الاشتياق !!

2011-06-03T21:28:00.000+02:00

حملة التدوين اليومي

اليوم الثالث

تدوينة قصيرة

الاشتياق للحياة يفوق اي نوع آخر من الاشتياق

شوق لإحساس الطفولة البريء الذي يطهر أي شيء

حبٌ لحياة صافية راقية خالية من الهموم والتفكير والخداع والخيانة

كم كنا محظوظين ولم نكن ندري للأسف

يوم 2: أم كلثوم

2011-06-02T21:30:00.003+02:00

حملة التدوين اليومي

اليوم الثاني

النهاردة حضرت عرض العرائس لأم كلثوم في ساقية الصاوي

اد ايه ده خرجني من الموود اللي كنت فيه وكنت مستمتعة جدااا

هو صحيح الهوى غلاب !!!

والله ساعات... بس ممكن نتحكم فيه قبل ما يحصل.. ويبقى احسن لو عملنا كده بصراحة

الحب كله

كله ايه بالظبط؟؟ حسب كلام ام كلثوم كان كله حاجات حلوة جداااا... بس في الحقيقة مش بيبقى كده اوي اعتقد

ولا انتم رأيكم ايه؟؟؟

=============================

الحلم زهرة.. قد تفقد رحيقها إذا لم تلقح بالحياة

أدم حبها لتتحقق

!!!!!!!

يوم 1: بداية الكفاح

2011-06-01T22:00:00.000+02:00

حملة التدوين اليومي

اليوم الأول

بداية الكفاح

النهاردة اول يوم في حملة التدوين اليومي

بداية الجهاد مع النفس

ومعاه بداية الكفاح

الشخصي

المهني

النفسي

بداية كفاحي ضد نفسي قبل اي حاجة تانية

لسه بتعلم كتير في الدنيا

لسه جايلي احساس ان حد ضربني بالقلم على وشي من كام يوم

حسيت الاحساس ده مرتين في حياتي.. اولها من كام شهر.. واكتشفت اد ايه ده كان خير وانا مكنتش شايفاه في وقتها

والتانية من يومين بالظبط... وعلى امل اني اكتشف ان شاء الله انها برده كانت خير... ان شاء الله هتبقى كده

ناوية ان شاء الله حملة التدوين اليومي تبقى فرصة اتواصل فيها مع اصدقائي المدونين تاني واني اكسب اصدقاء جداد

هتبقى تعبير عن افكاري وبعض الخواطر كل يوم

=================================

أستحضر روحي الماضية... لأسترجع مستقبل أريده مشرق في حاضر غامض

أن تعيش في عالم موازي فترى الحقيقة كأنها ليست حقيقتك انما حقيقة غيرك

وتتوهم أنك تعيش بعيداً عنها

وتشفق على من يعيشها

ثم تكتشف أنك تعيش في هذا العالم.. بنفسك

عيد ميلادي وحملة التدوين اليومي

2011-05-30T12:15:00.002+02:00

أنا جاية النهاردة علشان اقولكم حاجتين

اولاً عيد ميلادي كان يوم السبت اللي فات.. 28 مايو

انا دوناً عن باقي الناس بحتفل بعيدين ميلاد

الميلادي... في 28 مايو

والهجري.. يوم عيد الفطر

اصل انا مولودة يوم العيد.. طبعا الناس كلها كانت بتحتفل بمجيئي للحياة.. الدكتور وعيلة الدكتور وعيلة بابا وماما ...محدش عيّد في بيته يومها طبعا :D

عيد ميلادي السنة دي مختلف كتيييييييير عن السنة اللي فاتت

لأول مرة من ساعة التخرج على الاقل احس اني بدأت اقرب شوية من حاجة هتوصلني للي انا عايزاه

السنة اللي فاتت كان كلها آلام وضغط نفسي وعصبي مكنتش قادرة استحمله

السنة دي بدايتها كانت الثورة وما بعد الثورة.. التغيير اللي في البلد كلها.. الثورة الداخلية جوه كل واحد.. احساسي اننا في طريقنا لمصر أحلى واجمل بكتييير من قبل كده

انا بادءة السنة دي بتفاؤل وثقة كبيرة بربنا اني هوصل ما دام انا عايزة اطور نفسي علشان اعرف اطور اللي حواليا.. عايزة اوصل لنفسي علشان افيد في وقت بعد كده غيري.. وان شاء الله هوصل

عايزة افضل مبتسمة رغم اي حاجة.. واكيد هلاقي حاجات كتير تضايق او تحبط.. بس ربنا يقدرني واعديها من غير ما تأثر عليا زي زماااان

كل سنة وانا متفائلة..... ياااا رب :)

-----------------------------------------------

ثانياً

انا قررت ولأول مرة في عمر مدونتي اني اشارك في حملة التدوين اليومي خلال شهر يونيو 2011 ان شاء الله

هقابلكم كتير خلال الشهر ده يمكن اعرف اعوض الفترة اللي فاتت

بحبكم

شهيق وزفير

2011-05-22T10:55:00.001+02:00

أغمض عيني وأبتسم

روحي تلمس قلبي فينتعش ويفيق من غفلته

تنخفض الإضاءة المحيطة فأدخل في حالة من الاسترخاء لم أعيشها من قبل

تتلخص الحياة في شهيق يحمل عبق التفاؤل وزفير يطرد روح اليأس

أستنشق حريتي وأزفر ألمي في كل لحظة

أزداد صفاء وراحة

وقتها أرى الحياة كأني لم أرها من قبل

أراها بلا قيود..بلا حدود..أراها ممر أستطيع تخيله كالزقاق أو كالميدان

أفتح عيني فأقف على رأس هذا الممر

يكون ضيق في بدايته.. أستطيع جعله متسع في منتصفه.. نهايته لا أستطيع رؤيتها من الآن لكن آمل أن تكون متسعة أيضا

شهيق أمل.. زفير حب

شهيق روح.. وزفير جرح

لأول مرة اكتشف هذا الكم من الأنفاس في الدقيقة الواحدة

أحيانا يكتشف الإنسان أشياء يعيشها ولا يدري كيف يعيشها فتضيع منه للأبد

هو عمر واحد وحياة واحدة

سأغمض عيني مجددا كي أرسم حياتي.. ويوم يكتمل الرسم سأمحو خدوش الزمن عليه.. يوما ما سأستطيع

===============================

أصدقائي المدونين

انا مقصرة معاكم ومع مدونتي بقالي فترة كبيرة.. بس انا في مرحلة تغيير هتغير حياتي كلها بعد كده.. يا رب تبقى للأحسن

خايفة وقلقانة من اللي جاي.. بس متفائلة خير اوي بربنا علشان عارفة انه جنبي في كل خطوة انا عملتها او لسه بعملها

بحب مدوناتكم واحدة واحدة وهرجع تاني قريب اوي ان شاء الله :)

خطوة على الطريق

2011-03-29T00:47:00.000+02:00

خطوة تعني الكثير

وخطوة كذلك أجلت بما يكفي

أدعو الله أن يوفقني فيها

دعواتكم أصدقائي المدونين

بكيت وما زلت أبكي !!

2011-03-03T01:21:00.000+02:00

بكيت ومازلت أبكي

يمكن ميكونش من حقي إني أبكيكي
وازاي أبكيكي
بعد ما كنا بنتسابق
مين اللي هيروح الجنة قبل التاني
انا اللي شجعتك
وهم اللي قتلوكي
وقتلوا أحلى حاجة حصلتلي في حياتي

بكيت ومازلت أبكي

هو انتي حاسة بيا؟
يعني لما بفتكرك بتعرفي؟؟
ولما أنام علشان يمكن أحلم بيكي
بتُصِّري إنك متسيبنيش لوحدي
في ضلمة الحلم
وأنا عايز ايه اكتر من إنك تيجيلي
في حلم بعيد
وتمسحي دمعي
أصلي بعيط حتى في الحلم !!

بكيت ومازلت أبكي

أنا مبسوط بس لاني عارف إنك مبسوطة
ما انتي كسبتي الرهان
وسبقتيني.. ومستنياني هناك
أقولك
أنا كمان مستنيكي هنا
وازاي اشوف غيرك
ممكن حد تاني عينيه تندهلي؟؟
حتى لو ندهتلي.. مش هعرف أشوف غيرك

بكيت ومازلت أبكي

قالوا عليا مجنون لما حبيتك من أول نظرة
وقالي عليكي مجنونة لما وافقتي من أول همسة
وقالوا علينا مجانين
لما مسكنا ايد بعض
ونزلنا ميدان التحرير.. والحرية
وبالنسبة لينا ميدان الحب
كان لازم نعرَّف مصر إننا بنحبها.. زي ما حبينا بعض.. ويمكن اكتر
وقالوا عليا مجنون لما اعتبرتك مراتي من يوم ما قتلوكي
تفتكري إحنا فعلاً مجانين؟؟
وحتى لو مجانين.. ده أحلى جنان
وأحلى منه إنك معايا فيه

بكيت ومازلت أبكي

أنا شفت النهاردة شوية عصافير حلوة أوي
وحمامة سلام
كانت رقيقة
وحيدة
صافية
جميلة.. زيك
جبت شوية حبوب
ورمتها في الهوا
علشان أنا عارف انك كنتي هتعملي كده
كنتي دايماً بتقولي
اشمعنى العصافير دي حرة
واحنا محبوسين
حبيبتي
احنا اتحررنا
كان نفسي تكوني معايا
واحنا بنتنفس أول نسائم الفخر
بس انتي كنتي معايا.. في قلبي
يا رب يكون نَفَس الحياة الجديدة عجبك
وحستيه في دمي وهو بيمر على قلبك.. وقلبي

حبيبتي
مش هنساكي
مش هقدر أنساكي
سامحيني
واستنيني

شكر خاص لـ خالد كامل

عشق الميدان

ثورة القلوب - 25 يناير

2011-02-10T04:49:00.000+02:00

قلبي يأن ويطلب الرحيل
رحيل من دنيا أهانته
رحيل من دنيا قتلته
رحيل من دنيا كتمت صوته وكممته

*************
ظل يحلم بالرحيل
بعد أن أرهقه الحلم بالتحرير
ظن أنه لن يرى نوراً في دنياه
فقرر أن يرحل عن الظلام
ويترك خلفه الحياة
فجاء نور الثورة
ثار الشعب
وثار القلب
وثار معهما حتى الدم

*************
شعور جديد
أن تشعر بثورة في دمك
في قلبك
أن تشعر بحياة تدب في جسدك
أن تقتل خوفك
أن تطلق صوتك بعدما كممه الخوف
أن تلقى الملايين تجمعوا من أجلك
من أجل حلمك الذي قتلته من سنين
أن تشعر أنك لست وحدك
أن ترى نوراً يشع في الأفق القريب
ما أنقاها من ثورة عندما تنبع من القلب

*************
حتى مع نقائها حاولوا تلويثها
حاولوا قتلها في مهدها
فانقسم الناس
بعضهم يراها نقية كما هي
والآخر يراها ملوثة بالأحقاد
فرق تسد
حكمة قديمة طبقوها ببراعة.. ونجحوا
لكن ظلت هي نقية طاهرة
شامخة عالية
ترقى عن الشبهات
مهما حاولوا النيل منها
فالنيل طهرها
نقاها
رفعها فوق الجميع
وعلاها

*************
سالت دماهم من أجلنا
سالت دموع الامهات
سالت دموع قلوبهم
من اجل حرية الشعب
ليس من اجل حياة افضل
فقط من اجل الحياة
ضحوا وهم يبتسمون
ماتوا وهم شامخون

*************
ثار الشعب
وثار القلب
ولا يقدر أن يطفئها احد
ثورة شعب تطفأ
تعني شعباً يقتل من جديد
تعني قلباً يقتل من جديد
ثورة شعب تنجح
تعني شعباً يولد من جديد
تعني قلباً يولد من جديد

*************
أريد لقلبي هذا الميلاد
أريد له هذه الحياة

فلتحيا الثورة
فلتحيا الحرية

فلتحيا الحياة

فلتحيا الحياة

حلمي الجديد.. مستنياك

2011-01-11T01:57:00.000+02:00

حلم مات.. وحلم بيفكر يموت
وحلم بيشق سكته وسط الغيوم
لساك يا حلم تايه؟
لساك هناك بتبصلي؟
بتقولي فوقي م الألم
ازاي تسيبي خطوتك تطرح ندم !!
حلمي اللي تايه من سنين
لفيت هنا.. وكمان هناك
دورت بين كل الأماكن
يمكن ألاقي قلب
يريح الجرح اللي ساكن
بس النهاية مش هنا
لساك فاكرني مِسَلِّمة؟
ده انا كنت فاكراك من سنة
كنت الهنا.. وكنت المنى
وادي السنة عدت سنة
وسنين كتييييييير
وفضلت انا

ورجعت تاني من جديد
بنده عليك.. والصوت بعيد
والصوت صداه جوايا
بس..
خايف ليوصل بالسكوت
فيزيد سكوت
ويزيد أمل
يمحيه ألم
حلمي اللي تايه من زمان
كفاياك كلام
كفاياك آلام
الوقت حان
لاجل ما يطلع زهر نور وسط الظلام
يطرح بذور الحب ويا الأمل
فتزيد حياة.. وتزيد نغم
فأحلم الحلم الجديد
ويعدي حد السما
يبدأ ينور دنيتي
يمحي الأماني المظلمة

حلمي الجديد..
مستنياك..
مستنياك..
مستنياك..

إهداء إلى العام الجديد

مستنية أحلام حلوة كتير معاك

متخذلنيش

مرحباً 2011.. يا ترى مخبيلنا ايه!!

2011-01-04T01:21:00.000+02:00

خلصت 2010

كانت سنة عجيبة بكل المقاييس.. فرح يليه حزن يليه حلم يليه ألم

أحداث كتييييييير اوي.. كتير منها كان مؤلم.. وبعضها كان مفرح.. والباقي كان مفرح واتقلب لمؤلم

ظلمت نفسي كتيييير اوي في 2010

وزعلت من ناس كتير.. وزعلت من نفسي كتير.. وزعلت ناس مني.. يا رب يسامحوني على ده

وحطيت احلام واهداف كتير.. وسبتها ومحققتهاش.. ساعات غصب عني بس المهم انها كانت احلامي واهدافي انا.. وسبتها في الاخر

كنت عايزة 2010 تخلص علشان احس بأمل جديد مع سنة جديدة

وكان مسك الختام ليه يوم 31/12/2010.. لقاء المدونين في المنصورة

كان بقالي كتييييير اوي متبسطش زي ما اتبسطت في اليوم ده

بجد شكراً لكل اللي نورونا يومها.. كان يوم حلو بيكم كلكم :)

بس بداية 2011 مكنتش مبشرة

لسه بفكر هعمل ايه قبل ما انام يوم الجمعة لقيت الخبر بتاع الانفجار في الاسكندرية.. ربنا ينتقم من اللي كان السبب في قتل واصابة وترويع ناس كل ذنبهم انهم كانو بيصلوا في دار العبادة بتاعتهم

وييجي كمان تاني حدث على المستوى الشخصي في اول يوم في السنة..اخسر حد قريب مني مكنتش اتمنى بأي حال من الأحوال اني اخسره.. ومفيش في ايدي حاجة اعملها.. وحش اوي احساس العجز ده

والاسوء من ده انك تخسر نفس الشخص كذا مرة.. وتعيش احساس الفقد ده كل مرة

هنحاول نتغاضى عن بداية 2011.. ونركز في باقي السنة.. لسه قدامنا كتير بإذن الله

ناوية لسنة 2011 دي على نوايا كتير ان شاء الله.. بس خايفة من حاجات كتير

وبدعي ربنا يوفقنا ويفرح قلوبنا في السنة الجديدة

ويسترها مع البلد دي اللي مش عارفة رايحة على فين

كل سنة وانتم طيبين

لقاء جديد.. في المنصورة :)

2010-12-20T00:55:00.000+02:00

اصدقائي المدونين في كل مكان

دعوة من مدوني المنصورة للقاء في عروس النيل في يوم مميز...

يوم الجمعة 31/12/2010

اخر يوم في السنة

هنتقابل ونتكلم.. نحاول نبدأ سنة جديدة مع ناس جديدة وأحلام جديدة

التفاصيل كلها عند ندى الياسمين:

http://ndaelyasmeen.blogspot.com/2010/12/blog-post_19.html

هنستناكم.. بجد نفسي اشوفكم كلكم

اللا شيء..

2010-12-07T02:30:00.000+02:00

إحساس باللا شيء

عدم

فراغ لا يمكن احتواءه

فقد.. أو افتقاد.. كلاهما واحد

حنين

غربة

شوق

نسيان

إحتياج

استغناء

تضارب مشاعر وأفكار

حرب

لعلي لا أكون الخاسرة في هذه المعركة !!

آخر قطعة بازل.. كتاب إلكتروني

2010-11-14T23:58:00.000+02:00

اصدقائي الأعزاء

اولاً كل سنة وانتو طيبين.. يا رب عيد سعيد عليكم كلكم وعلى كل اللي بتحبوهم

ثانياً

النهاردة.. 14/11/2010 إطلاق كتاب رسالة الالكتروني الاول ..

""" آخر قطعة بازل """

كتاب رسالة هو اول كتاب إلكتروني تطلقه أسرة رسالة بكلية صيدلة المنصورة.. مجموعة من الأقلام المؤمنة ان ليها حلم في الكتابة.. مؤمنة بموهبتها قبل أي حد تاني.. مجموعة محدش يعرفهم بس يمكن في يوم يعرفهم ناس كتير :)

أسرة رسالة بكلية صيدلة المنصورة أحلى حلم اتحقق في حياتي لحد دلوقت... حلم بدأته مع صديقة عمري ومؤسس الاسرة من الصفر.. وكبرت وتطورت وبقيت احسن واحسن.. وكملت السنة دي اربع سنين وبدأت السنة الخامسة ليها

أنشطتها متنوعة.. منها خيرية ومنها اجتماعية ومنها ثقافية وعلمية وكمان ترفيهية.. وقدرت تعمل اسم ليها يعرفه ناس كتير في الجامعة كلها مش في صيدلة بس

ده لينك تحميل الكتاب

http://www.4shared.com/document/IImlzZlW/resala_electronic_book.html

يهمني رأيكم في الكتاب كله.. وانا ليا مشاركة في الكتاب يهمني رأيكم فيها كمان

كل سنة وانتم بألف خير يا رب :)

إلى آدم ولوتس وشكوى الاحساس وكل من لا يتقي الله في نقل المواضيع

2010-11-09T18:55:00.001+02:00

مين قال ان المفروض الواحد يزعل بس لو حاجة من اللي كتبها اتنقلت وهو كان ناوي ينزلها في كتاب او ما إلى ذلك؟

كل حرف كتبته هنا في المدونة كان من احساس حسيته.. ساعات فرحة.. ساعات حزن.. ساعات ألم

مفيش حاجة كتبتها من غير ما أحسها.. علشان كده بقى جزء مني

لما ألاقي بعدها الحاجات دي منقولة في منتديات من غير ما يتقال انها منقولة

والناس تدخل ترد على كاتب الموضوع تقوله الموضوع حلو.. وهو يرد يقولهم ربنا يخليكم شكراً لمروركم الراقي

ده يبقى اسمه ايه؟؟

اه نزلت الحاجات دي على النت.. معرفتش ان دي حاجة غلط اوي كده.. حتى لو مكنتش ناوية انزل كتاب.. ملهاش علاقة بإني ابقى عايزة احفظ حقي في كتاباتي حتى لو مكنتش بالمستوى اللي يعجب كل الناس

1- منتديات مرتاح

موضوع : أحياناً
http://www.mrtah.com/vb/showthread.php?t=4990&page=42

المشاركة رقم 412 في الموضوع

ناقل الموضوع: عضوة اسمها شكوى الاحساس
ده اول منتدى عرفت انه سرق موضوع من عندي.. وبعت للاشراف محدش رد ورديت في الموضوع ردي اتمسح

2- منتدى عرب سيتي

موضوع : نعم وحدي
http://www.arabcitey.com/vb/showthread.php?t=8024

موضوع : وردة مكسورة
http://www.arabcitey.com/vb/showthread.php?t=8026

موضوع : بقايا القارب
http://www.arabcitey.com/vb/showthread.php?t=8025

ناقل المواضيع: عضوة باسم لوتس

سجلت في المنتدى ولسه منتظرة تفعيل العضوية علشان اعرف ابعت للاشراف

واللطيف انها كمان في موضوع من المواضيع ناقلة الجملة اللي انا كاتباها تحت عنوان المدونة

حلم كشمعة تضيء قلبي... لنهايتها يعني

3- منتدى اكاديمية الدلتا للعلوم

موضوع : نعم وحدي
http://hamasat.do-goo.com/montada-f19/topic-t9024.htm

موضوع : وردة مكسورة
http://hamasat.do-goo.com/montada-f19/topic-t9026.htm

موضوع : أحياناً
http://hamasat.do-goo.com/montada-f19/topic-t9027.htm

موضوع : بقايا القارب
http://hamasat.do-goo.com/montada-f19/topic-t9025.htm

ناقل الموضوع : مشرف عام في المنتدى اسمه adam

مشرف عاااام يا جدعان.. هي وصلت لكده؟

سجلت في المنتدى وبعتت لمدير المنتدى ومنتظرة الرد.. لو كان فيه يعني

نفسي انزل شكر لمديري المنتديات دي لو لقيت منهم رد فعل... لو حصل والله هنزله

خلاصة القول.. حقي جه ولا مجاش.. انا مش مسامحة فيه وحسابه عند ربنا اللي بيسرق ده

دي لينكات مواضيعي الاصلية

شكر خاص

لـ Timo.. مدونة آسف ع الازعاج لانه اول واحد خلاني اخد بالي من الحاجات اللي بتتسرق دي

نعم.. وحدي

2010-10-19T02:21:00.001+02:00

ربما توارت الشمس بضوئها هذه المرة لتعلن سأمها مما يحدث.. ظلال الشمس كانت لتحمينا من ضوئها الذي ربما كان يؤذي لكنه دوماً كان يضيء بداخلنا.. هذه المرة أعلت الشمس عصيانها لنا.. عصيانها لقلب يقتل قلباً آخر.

مال هذه الأمواج تنظر إليّ هذه النظرة اللّوامة؟ ألذنب فعلته بقلبي؟ أم لطيبة ازدادت مع مرور الوقت؟ أم لوعود عهدتها لقلبي لكني أبداً لم أوفِ بها؟

هل تحالفت الشمس مع أمواج البحر الهائجة كي توقظني من حلم اليقظة الذي كنت أعيشه؟ هل حلمي باحتضان هذه الأمواج يسكون أفضل لي؟

سامحني أيها البحر الحكيم.. لم أستمع لحديثك من قبل.. كنت غافلة بحديث غيري أو بحديثي عن غيري حتى أني لم أتحدث لك من قبل عني ولم أستمع إلى نصيحتك لي.

كم أتمنى أن تنفذ لي طلبي الذي سبق أن طلبته منك.. طلبت منك أن تحتضنني بأمواجك ربما كانت راحة أكثر لي.. طلبت منك أن تدفن هذا المفتاح بداخلك لكن أحداً ما نبش بداخلك وأخرج المفتاح ليكون سهل المنال.

----------------------------------------------------------

أصبحت أرى نصف صورة..

نصف خريف ونصف ربيع..

نصف يأس ونصف أمل..

نصف أرى فيه زهوراً تتفتح.. والنصف الآخر أرى نفس الزهور تختنق..

حتى أنصاف الأمل واليأس أصبحت لا تكتمل

قلبي لا يطيعني في يأسي.. وأنا لا أطيعه في أمله

فيتمزق بين هذا وذاك !!!

عيد ميلاد مجرد حلم.. البداية

2010-09-29T02:29:00.000+03:00

29/9

النهاردة مش يوم زي اي يوم عندي
زي النهاردة من سنة فاتت كان ميلاد مجرد حلم

29/9/2009

بس هو مكنش مجرد حلم وخلاص.. ده كان حلم بقاله سنتين ونفسه يتحقق
مدونتي زي النهاردة من سنة فاتت كان اول يوم ليها

سنة بدأت وخلصت وانا في دماغي نفس الصورة

سنة عاشت معايا ذكريات أقرب الناس ليا ممكن ميعرفوهاش
سنة مرت بكمية أحداث في حياتي متخيلتهاش
سنة حلمت فيها أحلام.. يمكن للأسف معظمها محققتوش.. شوية أحلام ماتت.. وشوية أحلام ضاعت.. وشوية أحلام طلعت أحلام وبس
وشوية صغيرين اتحققوا.. زي ما كتبت بقيت خايفة احلم علشان الاحلام اللي بحلمها بتبعد لحكمة ربنا وحده اللي يعلمها.. بس برده بقيت خايفة أحلم
يمكن العيب في أحلامي.. يمكن العيب في تقديري للأمور
بس الميزة في الأحلام اللي بتضيع أو بتختفي انها زي ما بتكسر الواحد لفترة طويلة أو قصيرة حسب أهميتها.. بعد الكسر ده بتقويه
بعدها بفترة بيحس انه لو مكنش اتكسر الكسر ده مكنش اتعلم حاجات كتير
بيحس انه مكنش هيعرف قيمة نفسه عنده كده
بيحس ان نفسه دي زي ما هي غالية عليه هو كمان غالي عليها اوي.. وازاي سابته يعمل فيها كده وهي مستحملة
زي ما بقول لاصحابي على طول.. نفسنا دي صعبانة عليا اوي من اللي بنعمله فيها

سنة عدت بكل الحلو والمر اللي فيها
ويمكن علشان الواحد كان اصلا متشائم مكنش عارف يشوف الحلو اوي.. فشفت اللي مش حلو بس وهو كان كتييييييير اوي
سنة كلها تخبط وعدم استقرار على كل المستويات.. الشخصي والعملي والاجتماعي وما زال مستمر عدم الاستقرار ده

سنة خسرت فيها ناس مكنتش اتمنى اخسرهم.. وكسبت فيها ناس مكنتش اتخيل اني اكسبهم

سنة بدأت فيها حياتي العملية.. نوعاً ما مش اوي بصراحة

سنة عالجت فيها نفسي اكتر من مرة.. ومكنتش متخيلة اني هعرف أعالجها او ممكن اكون دقيقة اكتر.. مكنتش عايزة اعالجها اساساً بس هي برده استحملت

متخيلتش اول سنة ليا في التدوين يحصل كل الاحداث دي في حياتي

واول سنة تدوين ليا حضرت تلات لقاءات تدوينية هنا في المنصورة.. اتعرفت على ناس جديدة وكسبتهم كأصدقاء على أرض الواقع

اول سنة حسيت ان فيه ناس مستنية اللي بكتبه حتى لو كانو قليلين.. بس الناس اللي متابعاني يكفيني احترامهم ليا وللي بكتبه

مجرد حلم كان اسم لأول قصة قصيرة اكتبها.. يا ريت اعرف رأيكم فيها:

مجرد حلم.. قصة قصيرة

بحبكم

نيو لوك.. نيو موود

2010-09-28T06:00:00.000+03:00

شوية تغيير يمكن ييجوا بنتيجة

ويمكن يوم 29/9 اللي مستنياه ده يعمل حاجة هو كمان

-----------------------------------------------

هو ليه الواحد بيضعف؟؟

بقايا القارب

2010-09-14T03:27:00.000+03:00

قاربي أوشك على الوصول.. لكنه لبر آخر لم أتمناه

كم كنت أحلم بالنهاية السعيدة التي تجمعنا

على هذه الجزيرة وسط البحر

يطوقها البحر بأمواجه

يربت عليها.. يحتويها.. يحدثها كلما لامست أمواجه رمالها أن حافظي عليهما

وعاهدت الرمال أمواج البحر بهذا

لكن يبدو أن الرمال والجزيرة بأكملها كانت تقصد خيانة العهد

ألاحت لي بسراب يحملني بعيداً عنها

لكني كنت أعلم هذا فقاومت الأمواج وأنا في بالي صورتِك

انكسر جزء من القارب وأنا مازلت أحاول

ابتعد الشاطئ حيناً بعد الآخر حتى أصبحت أجاهد لمجرد رؤيته.. ولا أستطيع

تنمحي الصورة شيئاً فشيئاً ويزداد ابتعادي ويزداد قربي من الموت غرقاً

أحاول النجاة والفرار

لا يوجد معي غير بقايا القارب المحطم

ولا يوجد أمامي غير هذا الشاطئ المجهول

ربما يحمل أملاً

ربما يحمل جرحاً آخر

ربما يحمل سعادة

ربما يحملني لشاطئ غيره

لا أدري.. لكني لا أملك غير التشبث بحياتي فهي كل ما أمتلكه الآن بعد أن فقدتِك

ولا تقلقي حبيبتي

ما زال جزء خفيّ في القلب يحمل صورتك

يرفض أن يريني إيّاها.. لكنه أحياناً يرق لحالي فيحملها إليّ في منامي حتى أتحدث معكِ كيفما شئت

ربما تكاتفت الجزيرة والرمال وبعض من أمواج البحر الخائنة كي تفرقنا

لكن ما يجمعنا أعلى بكثير

لكن ما يجمعنا أيضاً لن يتركنا نميت أنفسنا يوماً بعد يوم دون أمل

ليس كم الضروري أن يكون أملاً في لقاء

يكفي أن يكون أملاً في حياة أفضل لكِ.. وربما لي

عيد مزقطط عليكم :)

2010-09-10T11:09:00.000+03:00

يا ليلة العيد أنستينا

أهلاً أهلاً بالعيد
مرحب مرحب بالعيد

كل سنة وانتو بألف خير يا رب
دي الأغاني اللي بتحسسني بالعيد.. قلت اجيبهالكم واعيد عليكم بيها
يا رب يكون رمضان كان دفعة لينا كلنا وشحن يكفينا لرمضان الجاي ان شاء الله
ربنا يتقبل مننا رمضان ويجعله فرج ورزق لينا في حياتنا يا رب :)
عيد مزقطط فرحان عليكم كلكم يا رب

وردة مكسورة !!

2010-09-04T02:58:00.002+02:00

يا للألم
مهلاً
عاملها برفق
كيف تفعل بها هذا؟
أتراها وقد كسرتها كيف تتألم؟
كم مضحك ما تحاول فعله الآن
تحاول أن تضمد جرحها
حتى ذلك لم تستطع فعله
وحين حاولت أن تفعل لم تر موضع الألم فداويت موضع الشكة وتركت جرح السكين الغائر
هل تلومها على ذبولها؟
هل نسيت كم كانت مشرقة قبل هذا؟
هل لم تعد ترى بسمتها التي كانت تملأ الحياة فظننت أنها تعاقبك بذلك؟
أظنها أيضاً تضحك من فعلك
لكنها ضحكة مريرة مكسورة
حتى هذه الضحكة لم تراها كذلك
رأيتها سعادة منها.. ارتياح او نسيان فلُمت عليها ذلك وكأنها ليس من المفترض أن تبتسم مجرد ابتسام
حتى بسمتها أحسست أنها لا تستحقها بعد أن دهستها
لم يطرق بذهنك أنها تبتسم حتى تبتسم لك وحدك
لم يخطر ببالك أنها تبتسم وهي ما زالت تتألم وتتألم
لم يجعلك كونك حارس الحديقة تشعر بزهورها وإحساسها
لكنه لم يمنعك أن تعشق زهرة واحدة منها.. ورغم ذلك تشتاق لتشم رائحة باقي الزهور
لكنها هي كان يكفيها أن تكون أنت الحارس حتى لو كنت تحرس الحديقة بأكملها.. كانت متيقنة أنك لا ترى غيرها
ربما كان هذا غباء.. ربما كانت هذه طيبة.. ربما كان هذا هو الحب.. الثقة.. الوفاء.. الإخلاص.
هل ستستطيع أن تصمد مرة أخرى ويلتئم كسرها هذا؟
ربما.. ربما لا
ربما بعد فترة طالت أم قصرت
لكنها تعلم أنها لن تنسى حارس الحديقة الذي ربَّت عليها في يوم من الأيام
ولن تنسى أيضاً أنه دهسها في يوم آخر

===============================================

كنت اساساً عايزة اكتب حاجة مزاجها حلو

دي اتكتبت في 5 دقايق ومعرفتش اخلي مزاجها حلو

ده انعكاس للعقل الباطن ولا ايه مش عارفة بصراحة :(

أحياناً..

2010-08-17T02:41:00.000+02:00

أحياناً تختفي أشياء من حياتنا دون أن ندري متى ظهرت حتى تختفي.. تبدو كسراب نمسكه فيختفي في لحظة... هذه الأشياء تشمل أشخاص... مشاعر... أشياء مادية... تشمل حتى مواقف معينة اعتدنا أن تحدث من حين لآخر... عندما تختفي ننقب عنها وعن مثيلها هنا وهناك... نبحث طويلاً عنها مرة أخرى ولكننا لا نجدها مجدداً... نتساءل في حيرة.. لماذا ظهرت هذه الأشياء في حياتنا منذ البداية؟؟ هل ظهرت حتى نعيش احساس الألم عند اختفائها؟؟ أم لتجعلنا ندرك أن الحياة لم ولن تسير وفقاً لتوقعاتنا نحن؟؟ أم لتجعلنا أكثر قوة من قبل؟؟ هل كان من حقنا أن نعيش هذا الحلم؟؟ كلما مررنا بموقف يشبه هذا نتألم كثيراً ونبكي فقدان هذا الشيء بشدة ونشعر أن الحياة انتهت بإختفائه لكننا ندرك بعد ذلك أن الحياة لم ولن تتوقف على موقف فقط مهما كانت قيمته... قد نأخذ وقتاً طويلاً حتى ندرك هذه الحقيقة... قد تكون الفائدة أن هذا الوقت يقل بكثرة هذه الأشياء التي نفقدها.
نتساءل كثيراً عن الحكمة في الكثير من الأمور التي تحدث لنا في حياتنا اليومية... في الغالب لا نصل لإجابة تقنع نفسنا الحائرة على الأقل في الوقت الحاضر... ربما بعد مضي فترة تصل أحياناً لأعوام نبدأ في إدراك هذه الحكمة.
لم أتأمل من قبل كثيراً في قول الله تعالى:" وكان الإنسان عجولاً"... حقاً ان الانسان عجول... يتعجل الخير دائماً... اذا مسه أمر يراه عقله المحدود شرًّا له يتعجل تفسير هذا الأمر ويتعجل تغييره لما يراه أيضاً عقله المحدود خيراً له.
هذه الحياة أجمل من أن يقضيها الإنسان إما تحسراً على ماضي أو تخوفاً من مستقبل لم يأتي بعد... أزل هذه الهموم من على عاتقك... عش الحياة كما ينبغي... عشها وأنت متيقن أن ما يحدث لك هو ما قدره الله لك.

===================================================================

الكلام ده كتبته من زمااااااان.. بقاله حوالي سنة

كل ما أقرأه اسأل نفسي.. لما انا كتبت الكلام ده مش بعمل بيه ليه؟؟ لحد دلوقتي مش عارفة

متأخرة اوي بس كل سنة وانتو طيبين ورمضان خير علينا كلنا يا رب

ربنا يتقبل منكم كل أعمالكم في رمضان ويا رب يعيننا على ذكره وشكره وحسن عبادته

إنعكاس.. للنفس

2010-07-30T03:09:00.000+03:00

انعكاس خفيف.. صورة باهتة تهتز.. مدخنة تطلق سمومها في الهواء وانعكاسها ينطفئ في الماء.. بعض من ورد النيل الذي يقتل الماء يتهادى على سطحه.. قارب يسير مع التيار دون هدف أو مرسى.. يسير مع التيار عكس اتجاه الشمس.. عكس اتجاه الأمل.. أسماك تعيش فقط داخل هذا الإنعكاس.. بعض المارة ينظرون إلى المياه.. بعضهم يرى انعكاس صورته.. بعضهم يجد هذا الانعكاس يشبهه لحد كبير.. بعضهم يراه مشوشاً لا تظهر تفاصيله.. بعضهم لا يراه من الأساس.
هذا القارب التائه يبحث عن مرسى له دون جدوى.. كلما تخيل أنه وجد مرساه الأخير يكتشف أنه كان مجرد سراب.. صاحب القارب يبحث أيضاً عن انعكاسه في الماء.. ينظر ويبحث ويدقق النظر.. أين ذهب انعكاس صورته؟ هل فقده لمجرد أنه فقد الأمل؟ انه لم يتخيل هذا مطلقاً.. فقدانه للأمل بهذه الطريقة يعني فقدانه للحياة.. تذكر أجمل أيامه.. تذكر كل أحلامه التي حققها من قبل.. تذكر طموحاته وآماله.. تذكر عزيمته وقوته.. نظر مرة أخرى في الماء فرأى صورة تشبهه لكنها ليست هو.. عرف أن هذا لأن بداخله لم يعد يتذكر نفسه كما كانت.. لم يعد يؤمن بها كما كان من قبل.. هناك شيء صغير بداخله كسره دون أن يدري والأدهى أنه لا يدري كيف يصلحه الآن.. يعلم أنه يحتاجها بجواره لكنها ذهبت ولن تعود.. لن يموت في فراقها على الأقل حتى تكون فخورة به كما كانت دوماً.. سيكسر حلمها إذا استمر في ضعفه هذا.. تذكر ابتسامتها الحانية وهي تنظر إليه بعد كل نجاح.. لا يستطيع أن يكسر هذه الابتسامة حتى بعد موتها.
انتفض عندما تذكر كل هذا.. جذب مجداف القارب وبدأ يجدف عكس التيار.. لن يترك حياته تسير بهذه السلبية.. جدف بقوة أكبر.. نظر لصورته مرة أخرى.. هذه المرة رأى صورته أكثر وضوحاً.. فجأة انتابه الوهن واليأس مرة أخرى.. شعر بحاجته إليها مرة أخرى.. نظر فوجد صورته تبتعد.. حاول المقاومة لكنه هذه المرة لم يستطع مقاومة التيار.. أغمض عينيه فرآها تنظر إليه بنظرة انكسار لم يراها من قبل.. ألم اعتصر قلبه في هذه اللحظة جعله يستيقظ من حلمه ومن يأسه ومن ألمه يحمل أمل جديد علّه يصل إلى مرسى هذه المرة.

ملحوظة:

الصورة دي من المنصورة.. عروس النيل

عودة.. أتمنى ذلك

2010-07-17T15:26:00.000+03:00

عارفة اني مقصرة في حق كل واحد احترمني واحترم مدونتي ودخل ساب تعليق في اي وقت من الاوقات

وعارفة اني مقصرة في حق مدونتي اللي قربت تكمل سنة من عمرها وانا سايباها كده من غير ما اخد بالي منها

وعارفة اني كمان مقصرة في حق نفسي.. على الاقل برتاح لما بكتب بس كمان دي مش راضية اعملها علشان مش أريح نفسي.. تقريباً بقيت غاوية اتعبها معايا وخلاص

بس كده كفاية بقى

حقكم عليا وحق مدونتي حبيبتي عليا هي كمان

اعتقد كده المفروض الظروف اللي كانت مانعاني اني ادخل خلاص خلصت

مجرد حلم راح... لسه هحلم تاني بس عادي بقى ادينا فاضيين لحد ما نبدأ الحلم الجديد :)

هفضل فترة اتابع المدونات تاني قبل ما انزل حاجة جديدة هنا

خايفة بس التراب اللي على المدونة يفضل كتير على ما يتشال

ضباب ...

2010-06-12T01:32:00.000+03:00

طريق مليء بالضباب

أرى نهايته لكني لا أتقبلها فأحاول تخيل نهاية الضباب شيء آخر غير النهاية الواضحة هذه

يأس وأمل

قلبي لا يطيعني في يأسي.. وأنا لا أطيعه في أمله

وحشتوني اوي

منها لله الظروف اللي مخلياني بعيد عنكم وعن مدونتي :(

يا ظالمني ..

2010-05-07T01:21:00.000+03:00

فتحت نافذتها برفق..استرقت النظر إلى السماء.. أخذت تبحث عن نجمتها المفضلة.. توارت خلف الغيوم.. أخذت تبحث وتبحث.. كيف تغطي الغيوم الضوء بهذه السهولة!
أغلقت النافذة وكلها حزن.. أظلمت غرفتها وفتحت مفتاح الراديو لتجد صوت أم كلثوم يصل إلى قلبها وهي تغني "يا ظالمني.. يا هاجرني.. وقلبي من رضاك محروم".. كم استشعرت هذه الكلمات كأنها تقولها لحبيبها بعد طول غياب.. هرب النوم من جفونها.. أخذت تفكر فيما فعلته.. هل آلمته دون أن تدري؟ كيف تملكه هذا الحزن منها وهو يعلم يقينا أنها لم تكن لتتعمد هذا؟ على الجانب الآخر كلماته هذه نالت منها بقسوة.. أرادت أن تشعر بأمان فلم تجد إلا الخوف.. كانت تشعر وكأنها سندريلا قبل منتصف الليل وأفاقت من سعادتها عندما دقت الساعة دقاتها الإثنا عشر.. انهمرت دموعها على وجنتيها واستمر الصوت المنبعث من الراديو: "أطاوع في هواك قلبي" كم تحبه لكن حبها لا يستطيع منعها من اتخاذ أسلوب للدفاع عن كرامتها..
تحدثت إلى صديقتها المقربة.. انهارت في البكاء وهي تتحدث معها وعلى الجانب الآخر انهمرت دموع صديقتها حزنا علىصديقة عمرها التي لم تصدق حتى الآن رحيل حبيبها ليس عنها فقط لكن عن العالم بأسره.. لم تتقبل في يوم موت توأم روحها في لحظة دون وداع.
تحسست مكانه بجوارها..لازالت تشعر بدفء وسادته.. هو بلا شك هناك فقط يشعر بالغضب منها لكنها متيقنة أنه سيعود حتى يلومها على الأقل.. كم شعرت بالضعف يعتريها من غيره وظلمة الليل تستحي ضعفها هذا.
قطع تفكيرها دقات خافتة باب غرفتها.. فتحت الباب لتجده أمامها.. حركت شفتيها لكي تخبره بشوقها له.. لكي تلومه على ما حدث.. ولكي تعتذر أيضا عما بدر منها.. وضع أنامله على شفتيها.. منعها من الاستمرار في الحديث.. أخبرها بأنه لا يستطيع أن يكون إلا بها.. بأنه يحبها.. بأنه يشعر بألم لحزنها منه..بأنه يعتذر لها..
انحنى ليلتقط صورتهما التي سقطت أرضا عندما أغلق الباب في غضب منذ قليل.. نظرت له بحب.. أمسك يديها وهو يجثو على ركبتيه.. طبع قبلة حانية على أناملها أنستها كل شيء قبلها.. احتضنت يديه.. كم كانت تفتقد هذا الاحساس..
فجأة تلاشى هذا الاحساس.. فجأة استيقظت من حلمها على الواقع المؤلم الذي كانت تحاول التهرب منه.. فجأة أدركت أنها فقدت حبيب عمرها.. فجأة تبخرت يديه اللتان تخيلتهما بين أحضانها.. سقطت على الأرض وانهارت في البكاء..
مسحت دموعها ونظرت إلى صورته المعلقة على الحائط التي رفضت أن تشوهها بهذا الشريط الأحمق.. ابتسمت له وأخبرته أنها تنتظر لقاءه قريبا.. خلدت إلى نومها حتى تلتقي روحها بأليفها للأبد.

يا رب

2010-04-28T00:51:00.000+02:00

مرحلة انتقالية تفرض مسئوليات واحاسيس واختيارات ربما لم تكن في الحسبان

ربما تغيير الأحلام والأشخاص وارتباط بعض الأحلام ببعض الأشخاص ومن ثم قتل هذه الأحلام مع فقد هذه الأشخاص بالمهمة الصعبة المؤلمة

لكنها الحياة كذلك

لا أدري هل سيظلم الطريق للأبد؟ لا أظن أن الحياة ستتوقف على بعض العقبات مهما كان حجمها

لكنها ستظل الأصعب في هذه المرحلة

أحتاج لنفسي قبل أي شخص آخر.. لكنها تبتعد عني كلما اقتربت أملاً في جعلي أفيق مما أنا فيه الآن

يا رب

أحبك !!!

2010-03-27T01:35:00.002+02:00

أعشق صمتك

تكفيني ابتسامتك حتى يبتسم قلبي

أحب صوتك الحاني

أبحث عنك بداخلي

حيناً أجدك

وحيناً أفقدك

أتساءل أين أنت؟

أخشى فراقك

ليس لكوني سأفقد الحياة عندها

لكن لأني أحببت الحياة وأنت فيها

ربما لن أفقدها لكني سأفقد مذاقها

أحب حبك الذي علمني ما هو الحب

أحب الأمان في قربك

أحب استسلامي أمامك

أحب قوتي بك

إن أبيت إلا البعد

فلا تودعني

فلا تقتلني

كفاني ألماً بهذه اللحظة

فقط اتركني ألملم مشاعري

ودموعي

وقلبي

علني أستمر في الحياة

وحشتوني :(

2010-03-18T02:27:00.000+02:00

مدونتي حبيبتي وحشتني

وانتو كمان وحشتوني

دعواتكم ربنا يعدي الفترة دي على خير بكل اللي بيحصل فيها علشان اللي بيحصل فيها بقى عجيب اوي بجد

بلاش تنسوني بس اهم حاجة

أمان !!

2010-02-26T00:39:00.000+02:00

أراك تحميني من العالم خوفاً عليّ
تسوق الظروف لكي تجمعنا
تربت على قلبي بكلماتك
تحملني لأعلى سحاب
تتحمل من أجلي كل الصعاب
ربما قطرة ماء تروي ظمأي
وكلمة تروي ظمأ قلبي
تعيدني للأمل
تعيدني للحياة
تسعد نفسي
أنظر إليك دوما
فأرى أحلاما ضلت طريقها
ثم وجدته مرة أخرى
أحاول الفرار
فأزداد كل يوم قربا
أحبك بإرادتي
ورغما عني
أتساءل في خوف
هل ستظل هنا من أجلي؟
أبحث عن إجابة ترضيني
أخاف المجهول
أجد قلبي يجيبني
لا تقلقي
لا تحزني
لا تخافي
لم يكن أبدا ليتركك
لم يكن أبدا ليحزنك
قلب يهواك لم يكن ليؤلمك
فأعود
إحساس الأمان يغمرني
يمنحني جناحين
أحلق بعيدا
عن الناس
عن الحزن
عن الألم
عن الفراق
عن الوحدة
عن اليأس
عن الحياة بأكملها
لأجد نفسي في الحياة الأخرى

!!!!!!!

شمعة تضيء الحياة

2010-02-19T18:47:00.000+02:00

بعض من الأمل
بعض من اليأس
بعض من الألم
بعض من الراحة
بعض من الدفء
بعض من البعد
هكذا الحياة
ماذا تضير بعض الأحلام
تتقلب فيها كل المشاعر
تطير وتحلق في السحاب
وفجأة تتألم ثم تعود مرة أخرى
شمعة وسط الظلام
تضيء قلبي
أحاول حمايتها من الرياح
أحوطها بيدي
لا ليس بيدي فقط
بكياني كله
إذا انطفأت سيسود الظلام
ويسود الألم
ويسود الحزن
لكنها تقاوم
ما زال هناك شرارة خفيفة تضمن بقاءها
تشعر بالحياة
والسعادة
والأمان
ويبقى الأمل
ويبقى الحلم.. مجرد حلم يأمل أن يصبح حقيقة

نيو لوك.. مستنية رأيكم

2010-02-11T00:06:00.000+02:00

نيو لوك للمدونة من باب التغيير

يمكن التغيير تتغير معاه الحالة النفسية والمود يتعدل تاني

شكر خاص لقلم رصاص

معلش دوشتك :)

مستنية رأيكم وتوجيهاتكم في النيولوك ده

وتمضي اللحظات..

2010-02-08T01:41:00.000+02:00

تمر اللحظات
ها هو عقرب الثواني يتحرك من مكانه
يليه عقرب الدقائق ثم الساعات
يليهم عقرب الحياة كلها
لحظات تغرق في بحر الحياة
أوقات تنقص من أعمارنا
تقربنا من النهاية
تمر وتستدير لتخبرنا انها لن تعود
ربما استهزاءاً بنا
ربما خوفاً علينا
ربما... ربما....
لا أحد يدري
تتساءل في داخلك
هل عندما تغرق هذه الأوقات تقتل معها أحاسيسنا؟
هل تمحو ألمنا؟
هل تجعلنا ننظر للأمام بطريقة تختلف عما قبل؟
ربما.. ربما لا
ربما تقتل كل الأحاسيس السلبية غرقاً
لكنها بعد فترة تطفو مرة أخرى على السطح لتواجهنا بكل تحدي
تقول لنا: لا نستطيع أن ننمحي بهذه السهولة
اغضبوا.. اعترضوا.. لكن هذا لن يغير شيئاً
لن ننمحي بمجرد فكرة
قد ننمحي إذا حاولتم تحقيق هذه الفكرة
مؤكد أننا سننمحي إذا آمنتم بهذه الفكرة
لكننا نشك في قدرتكم على ذلك
ننظر لها بذهول
نطرق رؤوسنا أرضاً
نصمت
نضعف
وينتهي النقاش

قــطــرات المــطــر

2010-01-23T21:19:00.000+02:00

قطرات من الماء تتساقط من السماء
لا أدري متى أدركت ماهية هذه القطرات
لابد أني في وقت ما في صغري كنت أتخيل السماء تبكي بهذه القطرات.. لم أكن أدري أن هذه القطرات هي رزق من الله ندعوه كثيراً أن يرزقنا به

لكن هذه القطرات معي تأخذ معناً آخر
كم أنتظر هطول هذه الأمطار بفروغ الصبر
أقف أمام هذه الأمطار المنهمرة.. أرى آلامي تسقط معها أرضاً.. أراها تغسلني من الداخل تماماً كما تفعل مع الطريق.. تدفع معها كل الشوائب.. تترك أثراً طيباً يدفع روحي للإنتعاش.
أخاف من لمس هذه القطرات.. ربما لخوفي من أن أمنعها من الوصول لمستقرها الأخير ومعها أحزاني.. ربما قطرة واحدة تجعل آلام كثيرة تستمر دون مداواة.
ثم تبدأ في الهطول دموعي أنا الأخرى لتقوم بدورها الإضافي

ثم في منتصف هذه الراحة الغامرة تنقلب دموعي لألم.. تذكرتك
لماذا الآن؟ لا أدري
ربما لأن دموع السماء ودموعي في آنٍ واحد يشعروني بضعفي فأحتاج لقوتك
ربما لأني تذكرت كونك معي نستظل بعيداً عن المطر.. نرقبه من بعيد.. ندخل في نقاش طويل حول من أبكى السماء هذه المرة.. ثم نبتسم ونرقبها في صمت
ربما لأني أفتقد احساس الدفء والطمأنينة معك
ربما لأني .... لا أدري ماذا
حقاً شعور محير
وفي النهاية سيستمر بكاء السماء.. وبكائي أيضاً بين الحين والآخر كتطهير للنفس.. في وجودك أو اختفائك كلاهما سواء هذه المرة

عندما يصبح هو هي... رداً على مسدس صغير :)

2010-01-16T02:19:00.003+02:00

هي: تنظر إليه فترى كل أحلامها أصبحت حقيقة
تبحث عن آلامها فلا تجدها فقد اختفت بنظرة واحدة حانية منه

* * *

تنظر إلى عينيه فتشعر أنها طفلة صغيرة تتقاذفها أمواج بحر عينيه بكل يسر
تنظر إلى وجهه فترى نقاء لطالما بحثت عنه
تسمع صوته فلا تريد أن ينتهي حتى تستمر في سماع هذه السيمفونية الرائعة التي لم يعزفها بشر من قبل

* * *

يمسك يدها فتشعر بأمان كأنها انتقلت إلى عالم خاص لا يحمل سواهما.. تحمر وجنتيها من دفء إحساسه.. يظنها خجلاً ولا يدري أنها حباً قبل أن تكون خجلاً

ابتسامة واحدة منه كألف شمس أضاءت وسط الظلام

تنظر إليه ويتردد بداخلها دعاء واحد.. أن يظل لها للأبد

========================================================

الموضوع ده كنت قايله هرد على صلاح بيه بس اتأخرت شويتين معلش

ده موضوع صلاح (مسدس صغير)

عندما تصبح هي هو

معلش يا صلاح هو مش بنفس المستوى بس طلع في 10 دقايق كده... لو طلع سيء اوي ممكن ابقى اظبطه تاني بقى :)

قضبان قطار!!

2010-01-12T01:24:00.002+02:00

قضبان حديدية ربما
لكنها تحمل الكثير
آلام وأوجاع... آمال وأفراح
فقير.. غني.. وحيد.. أسرة بأكملها
طريق بين القضبان
ضيق ربما... رحب بإحساسه
يمتد إلى اللا نهاية
يرقب اتجاهين متعاكسين
ربما تحمل جزءاً من تناقض الحياة
ربما تحمل صراعاً بين الأمل في اتجاه... واليأس في الاتجاه المعاكس
وتستمر الحياة.. ويستمر التناقض
لكن..
ترى هل سيفقد أحد حياته في هذا الصراع؟؟

دمعة..

2010-01-02T02:05:00.000+02:00

انحدرت دمعة
تمحو معها الكثير من المشاعر
ذنب.. ألم.. سعادة.. حزن
تأملت هذه الدمعة في سقوطها
تساءلت
هل هي تشعر بكل ما تحمله؟
هل قطرة دمع قد تشعر بالحمل الثقيل الذي دفع بصاحبها لطردها خارج عينيه؟
لا أعتقد ذلك
هذا الحمل لا يقوى عليه سوى صاحبه
ينوء به ويتألم لكنه يتحمله
ربما لأنه الوحيد الذي يشعر به
مهما أبدى من حوله تفهمهم له فلن يصلوا أبداً لفهم مشاعره والصراعات التي تدور دوماً بداخله
لا تدري كل دمعة مصير الدمعة التي سبقتها
كل ما تعرفه أن حياتها قصيرة.. مثل الإحساس الذي ولّدها
كل ما تعرفه أنها تؤدي دوراً في غاية الأهمية
ربما بمجرد ميلادها وموتها الفوري هذا تخرج أسراراً كادت تفتك بصاحبها
قليلون من يقدروا دورها
ربما لصغر حجمها لا يستطيعوا ذكرها
ربما لكونها تبدو مستسلمة لدورها الذي وجدت من أجله
ولكن
رُب دمعة أطفأت ذنباً
ورُب دمعة أذهبت حزناً
ورُب دمعة قتلت صاحبها.. عندما فقدت دورها وسقطت كأن لم تكن

طريقي.. لعله ينير

2009-12-29T02:15:00.000+02:00

مهلاً
كيف سأسير في هذا الطريق وأنا لا أرى نهايته؟؟
لا.. لن أستطيع ذلك
كيف سأطمئن أن نهايته سترضيني؟
وماذا أفعل إذاً؟؟
يبدو أنه مقدر لي أن أسير في هذا الطريق شئت أم أبيت
ربما كانت هناك طريقة أخرى حتى أرى أمامي
ربما ليست الرؤية منعدمة كما أعتقد
ربما كان هناك بصيص أمل يومض من الحين للآخر لكني لم أنتبه إليه
دعني أحاول مرة أخرى
ولنقل دعني أتوهم أني أرى في نهاية الطريق جنة
هل كان ذلك سيغير من عزيمتي في مواجهة العثرات التي اصطدمت بها في هذا الضباب؟
أعتقد ذلك
لا
عفواً... كان ذلك خطأ
لطالما توهمت أن في نهاية الطريق جنة.. لكن ذلك لم يكن يساعد مطلقاً في إنارة هذا الطريق
فلنحاول مرة أخرى
ربما كان ذلك هو الحل
أن أحب نفسي... اعتقد أني طالما أحببتها لكن ربما في مرحلة ما تخاصمت معها وكانت هذه هي الكبوة
لابد من اصلاح هذا الوضع
أرى بعضاً من الضوء ينير جانب الطريق
إذاً هذا كان جزءاً من الحل ولكني لم أراه إلا الآن
سأتابع البحث... لا يمكن أن يكون الظلام حالكاً لهذه الدرجة... لابد أن هناك طرقاً أخرى سأصل إليها حتماً

يتبع...

أوتار قلبي.. تتمزق !!

2009-12-23T01:37:00.001+02:00

أرهقت أوتار قلبي
فالعزف كان عنيفاً هذه المرة
كانت تأمل أن تكمل السيمفونية
لكنها توفقت في منتصفها
سألني قلبي بكل براءة
لمن تعزف هذه السيمفونية؟
لمن ترهقني معك؟
وجدتني حائراً في الجواب
هل لغاية أريدها كنت أفعل ذلك؟
أم كنت أتوهم أني أرضيك يا قلبي؟
حاولت إقناعك بالضغط على أوتارك مرة أخرى
أراها تضعف.. تتمزق الواحدة تلو الأخرى
أراك تنزف..
ليس حزناً على أوتارك
لكن لكونك لم تستطيع أن ترضيني
كم أنت رقيق أيها القلب!!
أراك تنازع الموت
أرجوك لا تتركني
لا أستطيع تحمل ذنب قتلك
نعم أنا الذي سأتحمل هذا الذنب
تركتك تحاول إرضائي فأعماني غروري عن رؤية الحقيقة
لم تكن أبداً أنانيّ الطباع
لم تكن أبداً تريد تحقيق هدف لك
كل ما أردته يوماً ما هو إرضائي.. وأنا الذي غفلت عنك
سامحني
أو لا تسامحني
لكن لا تتركني
كفاني ألماً بهذه الأوتار الممزقة بيدي

أرجوك

لا تتركني

لا تتركني

حكمة القدر!

2009-12-18T01:03:00.002+02:00

يا رب نعرف نفهمها ونبقى راضيين بيها

الكلام اسهل من التنفيذ بكتير للأسف

أحبها ولكن!!... الجزء الأخير

2009-12-07T03:42:00.002+02:00

أحبها ولكن....الجزء الأول

أغلق قلبه وحاول أن يضيع مفتاحه للأبد فلا أحد في هذه الدنيا يستحق مفتاح قلبه فهو أغلى من ذلك...
ولكن بعد عامين من هذا........

بعد عامين من هذا وبعد أن تناسى كل ما حدث وتعافى منه شيئاً بشيء وظن أنه قد أضاع هذا المفتاح للأبد وجدته هي وحدها... فتاة تنطبق عليها كل المواصفات التي كان يبحث عنها سابقاً قبل أن يقرر أن يتوقف عن البحث وألا يفكر في مثل هذا كله مرة أخرى... والأهم من كل هذا أنها هي من بحثت عنه... رأته صدفة مع مجموعة من الأصدقاء... أعجبت بكلامه وطريقته وتفكيره... تطور الأمر لديها سريعاً كما حدث معه من قبل... أصبحت تتحين الفرص التي تجمعها به... تعلقت به وأصبحت تشعر بسعادة غامرة عندما تراه... كان ما يؤرقها بشدة هو أنها لا تدري هل هو أيضاً يبادلها هذا الإحساس أم أنها توهم نفسها وتبني صرحاً من الأحلام التي لن تتحقق يوماً ما... حاولت أن تشعره باهتمامها في كثير من الأوقات لكنها كانت لا تستطيع أن تفسر رد فعله... كان يستقبل كل هذا ببرود لا يعكس ما بداخله... بالطبع كانت لا تدري أنه بداخله صراع لا يقوى عليه أحد... كانت تتخيل أنه لا يشعر بكل هذا وفي نفس الوقت كان هو يقتله التفكير... كان جزء منه يرفض مثل هذا الشيء الذي ذاق ألمه من قبل والجزء الآخر يشعر بكل ما كانت هي تشعر به وربما أكثر... كان يقاوم إحساسه بكل ما أوتي من قوة لكن شيء بداخله كان يجعله يشعر بالضعف عندما يراها ويحاول إخفاء ذلك فيبدو لها ببرود لا تستطيع تفسيره... لقد وعد قلبه قبل هذا ألا يجعل مفتاحه يصل لأي أحد وأنه سيبقى له وحده وأنه لا يوجد أحد يستحق أن يمتلكه ولكنه بدأ يشعر أنها وجدته من جديد فكان هذا أكثر ما يخشاه... وهي على الصعيد الآخر لا تستطيع تفسير رد فعله ولا تدري ماذا تفعل أكثر من كل هذا... أصبحت تشعر أنه لا يفكر فيها ولا يحمل أي مشاعر تجاهها... أمهلت نفسها وقتاً لكي تتأكد من مشاعره لكنها لم تستطيع الوصول لشيء فقررت أن تخفي كل هذا للأبد... بدأت تبتعد شيئاً فشيء حتى تستطيع أن تقاوم ما بداخلها... في نفس الوقت كان هو يشعر بتخبط ويقتله التفكير يوماً بعد يوم... كان يشعر بإبتعادها هذا ويفهم معناه ولكنه لا يقوى على أن يمنعه... كان خوفه يمنعه من الإقتراب ويدفعه لمقاومة كل هذا ولكن في المقابل كان يخسرها يوماً تلو الآخر... كان لابد له من أن يأخذ قراراً حاسماً في كل هذا سريعاً قبل أن يخسرها للأبد ولا يستطيع إسترجاعها مرة أخرى... أخذ يقارن بينها وبين حبيبته الأولى كيف أن هذه تهتم به والأخرى كانت لا تشعر بإهتمامه مطلقاً... كانت تظهر الفرحة واضحة في عينيها عندما تراه والأخرى لا تمثل رؤيته لديها أي فرق... كان يرى واضحاً أمامه أنها تحبه وهو أيضاً يشعر أنه يحبها بشدة ولكن جرحه السابق هو الذي كان يمنعه... وأخيراً عندما وجد أن ألمه السابق هذا مهما كانت شدته لن يتعدى ألمه الآن وهو يخسرها أمام عينيه أخذ القرار الحاسم وذهب إليها ليخبرها بكل ما بداخله... كيف كان يشعر بها طوال هذا الوقت ولكنه كان يحاول إخفاء كل هذا لخوفه من أن يتكرر ألمه مرة أخرى... وكيف أنه اكتشف مدى حبه لها وأنه لن يستطيع أن يعيش يوماً بدونها وأنه يريدها أن تشاركه حياته كلها بعد ذلك... كانت تستمع إليه والفرحة تملأ قلبها والدموع تملأ عينيها... عندها أشرقت الحياة لكل منهما مرة أخرى واكتمل هذا الحب إلى نهايته السعيدة أو لنقل لبدايته السعيدة لكل منهما.

حالة من التوهان

2009-12-05T02:12:00.002+02:00

مش عارفة انا رايحة على فين!!

استرها معايا يا رب

أحبها ولكن!!... الجزء الأول

2009-12-02T01:31:00.001+02:00

أحبها....لم يكن يتوقع في يوم من الأيام أن يذوق معنى الحب... كان بالنسبة له كلمة حب لا تعني أكثر من مجرد إعجاب أو ارتياح ليس أكثر من ذلك وكان يسخر من أقرانه عندما يتحدثون عن الحب بمثل هذه العاطفة والإحساس الرقيق... ربما لأنه كان يرى أن بفرض وجود هذا الشيء المدعو الحب لا يمكن أن يقع إنسان عاقل في هذا الشرك... ربما كان رأيه هذا نابعاً من قصص أصدقائه الذين تعذبوا بهذا الشيء لأقصى درجة فوعد نفسه أنه لن يقع يوماً ولن يصدق أن هناك شيء يسمى حباً في هذه الحياة وأنه حتى عندما يريد إختيار شريكة حياته مستقبلاً سيسلك الطريق المعتاد ولن يرهق نفسه كثيراً بالبحث عن شيء يبدو أنه خيالي إلى اقصى درجة.... ظل كذلك زمناً طويلاً ربما خلاله أحس بالإعجاب لأكثر من فتاة لكن الأمر كان لا يتعدى هذه المرحلة... وفي لحظة رآها... كانت هذه هي اللحظة الفاصلة في حياته التي قلبت معتقداته رأساً على عقب... لأول مرة في حياته يفهم معنى الحب من أول نظرة كما يطلق عليه... ربما لم يكن في البداية حباً بمعنى الكلمة لكن على الأقل شعر أن هذه الفتاة لن تكن أبداً كأي فتاة عرفها من قبل... يكفي أن قلبه كانت نبضاته تتسارع ويشعر بإحساس جديد لم يجربه من قبل... وقتها كان يشعر بحيرة من هذا الإحساس الذي لم يكن يستطيع توصيفه... أخذ يتساءل: "هل هذا هو ما يطلق عليه حباً؟ كيف هذا وأنا لا أؤمن بوجود مثل هذا الإحساس في الحياة؟ لابد أنه مجرد إعجاب زائد وسيتختفي بمرور الوقت مثل غيره كلما قابلت فتاة ذات شخصية مختلفة... يجب ألا أشغل نفسي كثيراً بهذا فالأمر لا يستحق كل هذا الإهتمام." هكذا أوهم نفسه متخيلاً أن هذا الإحساس سيذهب ولن يعود مرة أخرى لكنه كان مخطئاً... بدلاً من أن يختفي هذا الإحساس في كل مرة يتحدث فيها مع فتاة أخرى كان يفكر فيها وحدها... الأمر الذي جعل الوضع يتفاقم أكثر وأكثر... وكان عندما يتحدث إليها يشعر بسعادة غامرة لا يدري سببها... وكان عندما يختفي يوماً فتطمئن عليه يطير فرحاً من هذا السؤال... وقتها أدرك أنه وقع في الشرك الذي كان يتفاداه طوال حياته لكنه وقتها لم يكن يفكر فيه كشرك مطلقاً... وقتها كان يراه إحساس لا يعادله إحساس في الدنيا... كان يكفيه سعادته عندما يراها وإهتمامه بها وإحساسه أنها أيضاً مهتمة نوعاً ما ولكن ذلك لا يكفي... عندها فكر في مصارحتها بإحساسه هذا وهو متيقناً أنه سيجد مثله لديها... وهنا حدث ما لم يكن يتوقعه... فوجئت بكلامه هذا وألجمتها الصدمة عن الكلام لوقت ثم قالت: "لا أستطيع أن أتقبل منك مثل هذا الحديث... قد تكون فهمت إهتمامي وحديثي معك بطريقة خاطئة لكني لم أكن أقصد ذلك على الإطلاق... كل ما في الأمر أني أهتم بأصدقائي لأقصى درجة وكان إهتمامي بك كذلك.. إعذرني إن كان ذلك خطأي لكني لم أكن في يوم أتخيل أن تفسر ذلك بهذه الطريقة... شكراً على مشاعرك الرقيقة هذه لكني لا أستطيع أن أكون سوى صديقة لك إذا كنت مازلت تريدني كذلك." .... وقتها لم يكن يدري ماذا يفعل... كانت أكبر صدمة في حياته كلها... الشيء الذي ظل يتجنبه طوال عمره عندما جاءه واقتنع به وقرر أن ينتقل لمرحلة أخرى فوجئ بكل هذا... هل هذا خطأه أم خطأها هي؟ أصبح يلوم نفسه على ذلك فهي التي تخلت عن معتقداتها لأجل إحساس خادع وكاذب لا يأتي بعده سوى الألم من كل هذا... كان لا يدري هل خطأه أنه عندما أحبها كان إحساسه صادقاً إلى هذه الدرجة وكان يشعر أنه سيقابله إحساس مثله لديها وخصوصاً أنه كان يشعر أن إهتمامها به كان مختلفاً عن إهتمامها بغيره من الأصدقاء... كان يشعر أن شيء بداخله كسر في هذه اللحظة ويزداد ألمه كلما رآها... كان يشعر أنها جرحته جرحاً لن يستطيع يوماً أن يداويه... وقتها عرف معنى أن يتبدل حبك لشخص ما إلى كره من شدة ألمك من هذا الشخص وشعورك أنه لم يدرك قيمتك ولم يقدر إحساسك بل وقابل كل هذا ببساطة وربما ببعض من الإستهزاء... شيئاً لن يسامحها عليه طوال عمره... هذا الأمر جعله يعود ليس فقط لمعتقداته القديمة لكن لأن يتمسك بها بقوة أكثر... أصبح يتجنب الحديث معها حتى لا يشعر بمثل هذا الألم كل مرة.... كان من داخله أكثر ما يؤلمه أنه يشعر أن حبه لها تبدل بكره لهذه الإنسانة التي كانت يوماً عنده أغلى من أي شيء في هذه الدنيا... اغلق قلبه وحاول أن يضيع مفتاحه للأبد فلا أحد في هذه الدنيا يستحق مفتاح قلبه فهو أغلى من ذلك...ولكن بعد عامين من هذا.............؟؟؟؟؟؟

تابعونا في الجزء الثاني :)

أبحرت بعيداً في عينيك..

2009-11-28T02:29:00.002+02:00

أبحرت بعيداً في عينيك
يملأني شوق يقتلني
فيصير القاتل والمقتول سواء
بحر مترامي الاطراف
وعلى اطرافه تعلو شمس
تبعث بالدفء
قارب يتهادى فوق الموج
يتسارع هو والموج
من يسبق للبر الآمن
ومن يقتل في الخلف!!!

---------------------------------------------------------------------------------------------------------

ملحوظة هامة:

الصورة مقتبسة من مدونة:

فضفضة عالسريع

بجد جامدة جداااااا

عيد غريب

2009-11-27T03:18:00.002+02:00

بقالي كام يوم افتح المدونة علشان اكتب ومعرفش واقفلها وادخل انام

بس النهاردة قلت مينفعش بقى بكرة العيد والعيد فرحة ولازم اعيد على جيراني واصحابي

الاول كل سنة وانتو طيبين وبألف خير دايماً يا رب

ربنا يكرمنا ونكون على عرفات السنة الجاية ان شاء الله

ثانياً

انا بقول عيد غريب لأني مش حاساه اصلا خالص

يمكن لما اصلي العيد بكرة ان شاء الله احس بأي معالم للعيد ... مش عارفة بصراحة

هو البعد جفا زي ما بيقولو؟؟؟

كل شوية بيزيد كرهي للسفر.. مع اني بحب السفر جدا

بس السفر الترفيه غير السفر للشغل

اخواتي مسافرين للشغل... لما احس اني لما بشوفهم بعد سنة او اكتر اني مش حاسة بحاجة خالص... ده اسوء احساس ممكن احس بيه

حد فاهم حاجة؟؟

معرفش ليه حسيت ببعد فظيع مع انه واقف قدامي... يمكن بعد اكبر من اللي حسيت بيه وهو مسافر.. حاجة صعبة اوي

عارفة الرد التلقائي لأي حد على كلامي... سنة الحياة

يا جدعان عرفت والله

بس يمكن انا اللي مش عارفة اتأقلم مع سنة الحياة دي بسرعة... يمكن محتاجة آخد وقت شوية على ما اتقبلها ... يمكن فيه حاجات كتير اليومين دول المفروض اتقبلها علشان كده بتقبلهم ببطء... مش عارفة بصراحة

معلش على شوية الاكتئاب دول... قلت اطلعهم قبل العيد يمكن اعرف استمتع اليومين دول من غير اكتئاب

وادي خروف العيد

عيد بلا اكتئاب عليكم كلكم يا رب :)

انتي بيتي ومطرحي!!

2009-11-21T01:46:00.002+02:00

ده انتي بيتي ومطرحي

معرفش لو تعرفي

ان انتي سكني اللي بسكن ليه وبرتاح ده قلبي صحي

بابه هو قلبك

وعينيكي شبابيك بتخليني اشوف النور اللي انا محتاج اليه

ايه الرومانسية دي

احلى حاجة في الاغنية دي انها صادقة

على رأي تعليق قريته عليها على يوتيوب.... تحس انها حلال

واحد بيغنيها لمراته حبيبته اللي هيقضي معاها بقى عمره

وهي كمان اكيد بتحبه

ما هي مكنتش هتبقى بيته ومطرحه لو مكنتش بتموت فيه كمان مش بتحبه بس

ما هو ده الهدف من تلاقي روحين علشان يكونو روح واحدة... قلب واحد في جسدين اكيد حاسين ببعض اوي

وانتي حياتي ودنيتي

وده أملي وفرحتي

وانتي سندي وقوتي

وده زادي في رحلتي

اجمل وصف من واحد لمراته لما تكون عايشة علشان تسعده وتقويه على الحياة... تقف جنبه لما يقع... تسنده لما يتعب

ما هو مين هيقف جنبه غيرها؟ مين هيحس بتعبه غيرها؟ مين هيحبه غيرها؟

وتعالي احنا بقينا لبعضنا

كنا اتنين وهنبقى واحد طول عمرنا

ياااااااااااااه على الجملة دي

كنا اتنين وهنبقى واحد

تلاحم نفسي وعقلي لاتنين يمكن يكون بينهم متناقضات لأن دي سنة الحياة لكن في الآخر بيلتقوا على حاجة واحدة... حبهم لبعض

اجمل حب اللي يخلي اتنين يعيشوا حياتهم علشان بعض... يسندوا بعض.. يضحوا علشان بعض... يسعدوا بعض... يزعلوا على زعل بعض

اجمل حاجة ان احساس حد بالتاني يوصل للمرحلة دي

ساعتها هتهون عليهم الصعوبات اللي هيقابلوها

وتهون عليهم المشاكل اللي هتحصل بينهم... لأنهم عارفين هم اد ايه بيحبوا بعض

يا ترى الحب اللي في الفيديو بالتعبير اللي في الاغنية دي موجود؟؟ ولا ده عالم من الأحلام فقط لا غير؟؟

هنفضل نحبكم

2009-11-19T00:21:00.001+02:00

يمكن خسرنا الماتش

الحمد لله على كل شيء

لكن مخسرناش احترامنا

ومخسرناش حبنا لمنتخبنا

المفروض ان الواحد حتى لو زعلان ان منتخب مصر مش هيدخل كأس العالم يبقى فرحان شوية ان على الاقل في منتخب عربي هيدخل

لكن مع منتخب زي الجزائر بأخلاقهم وأخلاق شعبهم دي... حتى لو مكنش الشعب كله .. على الاقل تلات ارباعه... معتقدش اني فرحانة ليهم خالص

ومعتقدش اني هشجعهم في كأس العالم

عن نفسي بحب فريق البرازيل جدااااا

زي الفل على الاقل يبقى فيه امل انه يوصل للكاس في الاخر :)

ربنا يكرم كل فريق مصر والفريق الفني على تعبهم

كفاية انكم جمعتو الشعب كله وراكم يهتف ويقول.... يا رب

محستش احساس التجمع ده قبل كده

كفاية انكم خليتو الناس تقعد تسمع اغاني وطنية اليومين اللي فاتو دول كلهم

وكفاية انكم كملتو لحد هناك في الضغط العصبي اللي كان عليكم ده

يا ترى هنتجمع تاني كده امتى وعلى ايه؟؟؟؟؟

ألف مبرووووك للشعب الطيب

2009-11-15T02:11:00.002+02:00

أحلى حاجة ان الشعب المصري شعب طيب اوي

في لحظة كل الناس نسيت كل الهموم اللي عندها وكل اللي تاعبها وفضلت تهيص وتشجع منتخبنا وعملت افراح لما كسبوا الحمد لله

لو اتجمعنا على كل حاجة كده... هنبقى اقوى من اي حاجة

يلا

المهم

ألف مبروووووووووووووووووووووك لمصر

وألف مبروك لكل رجالتنا وحسن شحاته بالأخص

وألف مبروك للشعب المصري المطحون

ويا رب يا رب تكمل فرحتنا يوم الأربعاء ان شاء الله

دور محدود وخلصت الحكاية

2009-11-11T18:16:00.002+02:00

"ان تشعر بأحد ثم تفقد شعورك هذا اصعب من ألا تشعر به منذ البداية"

جملة طلعت في دماغي بعد موقف مش ظريف حسيت فيه اوي بالمعنى ده

تخيل انك في حد قدامك بتعزه وبتحترمه ويمكن بتحبه كمان.... مش شرط حب بمعنى الحب بس ممكن حتى حب الصداقة

ووصلت معاه لمرحلة ان كل واحد فيكم بقى بيفهم التاني من نظرة من غير ما يتكلم

مش كتير بيعرفو يوصلو للمرحلة دي مع بعض.... بس لما يوصلو ليها ده معناه انهم قربو من بعض اوي وحبوا بعض اوي

تخيل بعد فترة وانت تعبان من حاجات كتير فجأة تلاقي الشخص ده اهتمامه بيك بيقل... كمان مش بيقل لكن انك تحس انه معدش فاهمك والاسوء كمان انه معدش حاسس بيك... يعني كلام زمان بتاع انه يحس انك تعبان من غير ما تتكلم ده يروح فجأة... كمان ان الموضوع يوصل انك يكون باين في كلامك انك تعبان او متضايق وانت متأكد ان ده واضح ومع ذلك مش يعبرك.... ايه القسوة دي كلها!!

اصعب حاجة انك تبدأ تفقد حد قريب منك زي الشخص ده... شخص يمكن كان في فترة اقرب ليك من اي حد تاني والاصعب انك متعرفش ده كله بيحصل ليه اصلا... ما هو انت لو غلطان في حقه هو عنده تصريح مفتوح انه يعاتبك ويقولك على اي حاجة ضايقته منك... لكن برده مبيعملش كده

حاجات ملخبطة وناس كان نفسي يبقوا جنبي اكتر من كده في الوقت ده بالذات لكن مفيش في ايدي اكتر من اللي عملته

ربنا يكرمهم ويوفقهم في حياتهم كلها... ويجازيهم خير على الايام الكتير اللي وقفو معايا فيها

يمكن زي ما واحدة صاحبتي قالتلي مرة: " في ناس بنعرفهم لفترة معينة من حياتنا بس علشان هم ليهم دور في الفترة دي بعدها ممكن يختفو حتى لو كان دورهم ده كان كبير اوي... بيبقى خلاص خلص"

يمكن هي كده فعلاً

لقاء المدونين بالمنصورة..... يااااااااااه انا اتأخرت اوي

2009-11-07T01:57:00.002+02:00

6/11/2009

اليوم التاريخي ده كان لقاء المدونين بالمنصورة

وكان برده اول مرة اخد خطوة تتحسب ليا في عالم التدوين

يمكن الخطوة جت متأخر اوي بس اكيد كان مكتوبلها تيجي في الوقت ده مش قبل كده

اليوم بجد كان جامد

بداية من اول ما نزلت من التاكسي لقيت الناس بتبصلي وبتقولي انتي مين

طبعاً ولأن ده اول لقاء ليا مع مدونين مكنتش اعرف (انتي مين) دي معناها انتي مدونة ايه :D

وبعدها التبرع بالدم اللي كان في مستشفى الاطفال

طبعا انا اول ما دخلت المستشفى ولقيت ناس من رسالة هناك كنت حاسة اني داخلة بيني

ولو ان صبرني يا رب كانت هتضربني لما عرفت اني من رسالة بس اعمل ايه بقى... رسالة تجري في دمي :)

وبعدها خلصنا وطلعنا على جامع السلاب صلينا الجمعة وبعدها فوراً على كوك دوور للأكل... لازم طبعاً الناس اتبرعت وتعبت يعني

واخيراً نادي الأطباء

انا اول مرة اقابل حد من مدونات تانية وكنت بصراحة متخيلة اللقاء غير كده... كنت متخيلة اننا هنتكلم كله مع بعضه ونعرف بعض ونعرف مدونات الناس كلها عن ايه او اتعملت ازاي بس يمكن علشان العدد كان كبير مكنش فيه فرصة اننا نعمل ده بس برده كان يوم جامد جداااااا ومندمتش اني جيت مع اني مكنتش اعرف حد خالص

تفاصيل اكتر عن اليوم هتلاقيها هنا

صبرني يا رب... رغي إمرأة غير مطحونة

شكراً لكل الناس اللي اتشرفت بمقابلتهم النهاردة .... ان شاء الله مش هتبقى المرة الاخيرة

وشكر خاص لكل من:

صبرني يا رب... رغي امرأة غير مطحونة... كويس انك قابلتيني اول ما وصلت علشان كنت هتوه ومش بعيد كنت ارجع البيت تاني :)

ابراهيم العدوي... كأني أتكلم... اول حد كلمني اول ما نزلت من التاكسي

فاتيما... روح قلب ماما..... اتبسطت اوي اني اتكلمت معاكي

مي... حلم كان... اهي كل الاحلام لازم تبقى معارف برده

شيمو... الشعب لابد له من حكومة تشكمه.. شكراً على العصير :)

ساسو... mourning dove ...... بجد عسولة خالص خالص :)

يوم ميتنسيش

لكني فررت...

2009-10-30T02:33:00.001+02:00

أذنبت يوماً حين فررت
كنت أخاف من المجهول
هل كان بهروبي نجاة
من هذا الهول؟؟
من المسئول؟؟
هل قلبي هو المسئول؟
كم كنت أرى أحلاماً
أياماً تلحق أياماً
نحيا بشوقٍ في بستانٍ
دون فرارٍ أو فقدانٍ
لكنه حلم..
واستيقظت على ألمٍ
قد ضاع العمر
هل كان بهروبي ذنبٌ؟
هل كان بفراري جبنٌ؟
لا أدري
لكني فررت
وذهبت إلى الليل أناجيه
يا ليل العشاق أجبني
من المسئول؟
هل أغلق قلبي الآن
وأضيع للأبد المفتاح؟
هل أحيا بدونك يا قلبي
كي تبقى دوماً
دون مرارٍ أو فقدانٍ أو حتى كفاح
هل هذا حل؟
لا أدري
لكني فررت.....

1/1/2008

صمت!!

2009-10-23T03:10:00.001+02:00

لغة لا يفهمها الكثيرون... قد لا تكون لغة مسموعة أو مكتوبة لكنها عندما تفهمها تشعر أنها أعمق بكثير من أي حديث مهما كان مستواه.
لا تتوقع أن يفهم الكثيرون صمتك... هذه قدرة لا تتوافر في أي شخص يعرفك... يلزم أن يكون أقرب إليك مما تتخيل حتى يدرك معنى صمتك في كل مرة... لربما كانت هذه وسيلة تعرف بها مدى قرب هذا الشخص من نفسك حتى لو لم تكن تدرك ذلك.
يلازم هذا الصمت لغة أخرى هي أبلغ بأي حال من الأحوال من الكلام... لغة العيون.
يختلف معنى الصمت في كل حالة عما غيرها... أحياناً يعني الصدمة... الحزن... الفرحة... الضعف.... القوة... الامتنان... الكره... وأحياناً أخرى يعني الحب.
في حالة الحزن والصدمة تختنق الكلمات في حلقك دون أن تستطيع أن تخرجها... ربما تجد وقتها أن الصمت أكثر راحة من أن تشارك آلامك هذه مع الآخرين.
أحياناً تشعر بالفرحة فتصمت لكي تستمر في احساسك بالفرحة في هذه اللحظة لربما لا تتكرر مرة أخرى... من أجمل تفسيرات الصمت.
أحياناً يدل على القوة عندما تصمت وتكتم غضبك الذي يستحقه الذي أمامك... وقد يدل على الضعف عندما تصمت عن حق لك خوفاً من شيء أو شخص.
يكفي صمتك مع نظرة امتنان أن تشعر من أمامك أنك ستظل تتذكر ما فعله من أجلك مهما طال العمر.
ومثله يكفي صمتك مع نظرة تشعره أنك لن تغفر له ما فعل في حقك.
لا أدري هل الحب في صمت أرقى من غيره أما أنه يعتبر نوعاً من الجبن... بالطبع لا أتحدث عن الحب في صمت لدرجة تصل أن تفقد محبوبك هذا دون أن تخبره... أتحدث عن أنه ربما التعبير عن الحب بالصمت يكون أبلغ في البداية.
أصعب أنواع الصمت عندما تختنق بداخلك الكلمات لكن تمنعك إما الظروف أو الكبرياء أن تنطق بها... كلما ازدادت الكلمات بداخلك كلها شعرت أنك تختنق أكثر يوماً بعد يوم.

قد أفضل الصمت في أحيان كثيرة لاسيما في الوقت الحالي لكن هذا لا يمنع أن هذا الصمت رغم اقتناعي بقوة تعبيره إلا أني أيضاً مقتنعة بقوة تأثيره القاتل للنفس عندما يسيطر عليها الاحساس بالعجز وأنها لا تملك سواه.!!!!

وجهة نظر ليس أكثر

طريق طويل!!!

2009-10-12T01:54:00.003+02:00

كنت أسير في طريق طويل لا أدري هل له نهاية أم لا... ولا أعلم حتى كيف وصلت إليه.... في بداية الطريق رأيت زهوراً زاهية الألوان... اقتربت منها كي أستزيد من عبيرها... لمستها وأنا أتخيل أني ألمس أرق المخلوقات في الكون فإذا بشوكها يفسد هذه الصورة الجميلة التي رسمتها في خيالي.... أدركت أنه لا يوجد شيء كامل في هذا الوجود... يجب ألا أنخدع في المظاهر الجميلة بعد ذلك فربما كانت تحمل في طياتها أشياء أشد قسوة بكثير.
مضيت في الطريق فإذا بي أسقط في حفرة عميقة.... لم أدرك متى حدث ذلك ولا كيف... حاولت الخروج بشتى الطرق فلم أستطع... فقدت الأمل في كل شيء.... فقدت الأمل أن أصل إلى القمة مرة أخرى... وأنا أجلس في القاع أنظر إلى القمة بكل أسف رأيت شيئاً جعلني أغير حالي هذا في لحظة... رأيت نملة تحمل قطعة من الخبز وتحاول تسلق هذه الحفرة....حاولت هذه المحاولة مرة تلو الأخرى وفي كل مرة كانت تسقط منها فتحملها مرة أخرى وتحاول.... ظلت هكذا دون أن تفقد في مرة الأمل في نجاحها.... كم شعرت بصغر نفسي أمام عظمة إرادة تلك النملة.... حاولت بعد ذلك مرة تلو الأخرى وفي كل مرة كنت أتدارك أخطائي حتى خرجت من هذه العقبة.... كم كان إحساساً رائعاً أن أصل للقمة بعد هذا المجهود.
واستكملت طريقي... هذه المرة كنت أتأمل كل ما أراه في الطريق لعلني لا أقع في مثل المأزق السابق مرة أخرى... رأيت مشهداً ربما رأيته عشرات المرات من قبل لكني لم أتأمله بهذه الدقة من قبل... رجل بصحبة زوجته فاجأها بأن توقف عند محل للزهور واشترى لها وردة حمراء... ربما ليس لها قيمة مادية تذكر لكن نظرة الحب والامان والسعادة والثقة التي ظهرت على وجهها كانت تساوي ملايين العالم بأكمله... قبّل يدها في رقة واستكمل معها الطريق.
فجأة انتبهت على صوت صبي صغير يبكي بحرقة... نظرت لأرى أب لا يبدو منه أي رحمة بابنه الصغير يبرحه ضرباً لكونه أسقط زجاجة المياه من يده... هل هذا يستحق كل هذا القسوة والجفاء من أب لابنه؟ هل هذا يساوي نظرة الكراهية التي ارتسمت على وجه الصغير بين دموعه المنهمرة؟ كم شعرت بالأسف لهذا الصبي ولهذا الأب الذي يخسر حب ابنه له يوماً بعد يوم بهذه المعاملة.
نظرت إلى الجانب الآخر من الطريق فرأيت محلاً لبيع الفاكهة... كان مكتظاً بالزبائن... ربما للراحة التي تشعر بها عندما تنظر لوجه البائع وترى الرضا والطيبة تظهر واضحة في كل ملامحه... رأيته يسرع خلف رجل اشترى للتو منه شيء من الفاكهة ليخبره أنه أخطأ في حسابها ويتأسف بشدة ويعيد للرجل ما تبقى ماله... كم دل ذلك على الأصل الطيب لهذا الرجل.
وعلى النقيض إذا بي أرى بجواره محلاً لبيع الخضروات... وأرى بكل وضوح هذا البائع الذي يعبث بالميزان حتى يغش الناس عند الحساب... أما علم أن فوقه الله شاهداً على كل شيء؟!

نظرت إلى الأفق البعيد... إلى أين يستمر هذا الطريق؟ كم من الأشياء كانت غائبة عن ذهني حتى رأيتها في هذا الطريق!!
ربما أشعر بالتعب من هذه الرحلة لكنه أبداً لن يساوي قدر استفادتي منها... سأستمر... سأستفيد... سأخطئ ولكن من المؤكد أني سأتعلم من الحياة حتى آخر لحظات عمري.

محاولة لسرد مواقف وقيم من الحياة... تجربة جديدة لا أدري هل تنجح أم لا... منتظرة آرائكم

ورود الحياة !!

2009-10-02T04:34:00.002+02:00

وردة تتفتح !

أخرى تموت !

وأخرى لم توجد في الحياة بعد !

واحدة تمنح السعادة

والثانية تمنح اليأس

والأخيرة تمنح الأمل في اليوم الذي لم يولد بعد

كم تصعب الحياة أحياناً !

كم تقسو علينا !

لكن عندما نواجهها بهذا الأمل...بهذه الروح المتجددة

سنتغلب على أي شيء يحاول اغتيال أجمل ما فينا... أرواحنا !!

أمل أم يأس !!!

2009-09-29T01:36:00.001+02:00

حلم يراودني بين الحين والآخر
لا أدري هل هروباً من الواقع أم شوقاً ليوم لم يأتي بعد
أتنفس الهواء حيناً يخنقني وحيناً يملأني حياة
أرى حلمي ينقلب سراباً
أجري نحوه
ألحقه
أمنعه من الاختفاء
وبهذا أمنع نفسي انا الاخرى من الاختفاء !!!