9 يونيو 2011

يوم 9: الخوف

حملة التدوين اليومي
اليوم التاسع

اسوء حاجة انك تكتشف ان قلمك مش زعلان منك
ان انت اللي زعلان من نفسك علشان كده مش عارف تكتب
او تكون خايف من قلمك وخايف من اللي هيكتبه

يا ترى ايه الحل في الحالة دي؟؟؟
0 طاروا معايا في الأحلام RSS خرجت للنور بواسطة مجرد حلم صغنتوت في 8:00 م

8 يونيو 2011

يوم 8: الوحدة

حملة التدوين اليومي
اليوم الثامن

حلو اوي انك تدور على حلمك.. وتجري وراه وتتعب علشانه
وتفكر ازاي توصل لطريق يوصلك ليه
وتتمسك برأيك حتى لو اغلب الناس مختلفة معاك فيه

بس ترجع بعد فترة تحس انك لوحدك.. محدش معاك
شايف الحلم بيبعد ويقرب.. وبتجري وراه لوحدك
ساعات بتبقى نفسك حد يجري معاك
لو وقفت تاخد نَفَسَك تلاقي حد بياخد ايدك
وانت كمان تاخد ايديه

بس ساعات بيبقى الاحساس ده بعيد
ساعتها مش هتلاقي قدام نفسك غيرك
يا اما تتصاحب عليها وتكتفي بيها في الوقت الحالي
يا اما تتمرد على حالتك دي وبالتالي مش هتبقى مرتاح

-----------------------------------------------------------

الحلم الوحيد يملأ الفراغ بوحدته
وزهرة الحلم ترتقي لتملأ الأجواء بعطر نفيس
ثم نفيق لنجد إما العطر.. او الفراغ
1 طاروا معايا في الأحلام RSS خرجت للنور بواسطة مجرد حلم صغنتوت في 10:00 م

7 يونيو 2011

يوم 7: درس من الحياة

حملة التدوين اليومي
اليوم السابع

اد ايه الواحد بيحس ساعات انه مقصر في حاجات كتير ومع ناس كتير اوي
واكتر حد ممكن الواحد يحس انه مقصر معاه .. نفسه
لما تقصر مع نفسك بتحس انها بتبعد عنك.. تحس ان روحك بتسيبك
تخيل هتقدر تعيش من غير روحك دي اد ايه؟؟

==========================================

الحلم لا يرى النور
تحجبه غيوم الواقع
ورهبة المستقبل
وخوف من المجهول.. والمعلوم

---
هو انا كنت صح في حلمي !!!!!!!
2 طاروا معايا في الأحلام RSS خرجت للنور بواسطة مجرد حلم صغنتوت في 10:22 م

6 يونيو 2011

يوم 6: خالد سعيد

حملة التدوين اليومي
اليوم السادس

6 يونيو
ذكرى استشهاد خالد سعيد
هو كان حاسس باللي هيحصل بعد موته ده؟
كان هيبقى احساسه ايه لو عرف ان اللي بيحصله في وقتها هيطلع الغضب اللي جوه كل واحد ضد الظلم والقهر والنظام الجائر؟
كان هيبقى احساس اهله ايه وقتها لو حاسوا ان ابنهم مش مات من غير فايدة.. اه مات وخسروه بس قدام موته مصر كسبت نفسها تاني؟
ربنا يصبرهم ويتقبله في الشهداء يااااا رب
============================================
خالد
اعذرنا لو قصرنا
بس ان شاء الله هنوصل




0 طاروا معايا في الأحلام RSS خرجت للنور بواسطة مجرد حلم صغنتوت في 9:37 م

5 يونيو 2011

يوم 5: الانتقام من النفس

حملة التدوين اليومي
اليوم الخامس


شوق لنفسي السابقة
يحملني على الانتقام من نفسي الحالية لعل القديمة تعود
لا أدري هل إن عادت ستكون بنفس الغباء؟
أم ستتعلم كيف تقتل من يؤلمها ثم ترثيه أشد الرثاء؟

هل ستتعلم كيف تحمي ذاتها ولو كانت ستقتل بذلك البشرية جمعاء؟
هل ستتعلم أن تعيش مع معنى الانتقام ربما يتحقق أمامها يوماً ما؟

هل ستتعلم كل هذا؟؟
حقاً لا أعتقد

===============================
المفروض ان حملة التدوين اليومي المطلوب منها غير التدوين اني اتابع وادخل عند باقي المدونين
بس للأسف اليومين دول غير ان فيه ظروف في الشغل ، كمان مزاجي مش مظبوط خالص ومش عارفة اركز في كده

انا آسفة
0 طاروا معايا في الأحلام RSS خرجت للنور بواسطة مجرد حلم صغنتوت في 8:04 م

4 يونيو 2011

يوم 4: الحياة !!

حملة التدوين اليومي
اليوم الرابع

الحياة تهفو لأليف
قد يبدو بعيداً عنها
تتلمس طريقها إليه
تراه حيناً.. وحيناً يتوه منها
ثم ترى الأليف الحقيقي

هي ...  ذاتها
1 طاروا معايا في الأحلام RSS خرجت للنور بواسطة مجرد حلم صغنتوت في 9:39 م

3 يونيو 2011

يوم 3: الاشتياق !!

حملة التدوين اليومي
اليوم الثالث
تدوينة قصيرة

الاشتياق للحياة يفوق اي نوع آخر من الاشتياق
شوق لإحساس الطفولة البريء الذي يطهر أي شيء
حبٌ لحياة صافية راقية خالية من الهموم والتفكير والخداع والخيانة

كم كنا محظوظين ولم نكن ندري للأسف

1 طاروا معايا في الأحلام RSS خرجت للنور بواسطة مجرد حلم صغنتوت في 9:28 م
الاشتراك في: الرسائل (Atom)