2 يناير، 2010

دمعة..


 انحدرت دمعة
تمحو معها الكثير من المشاعر
ذنب.. ألم.. سعادة.. حزن
تأملت هذه الدمعة في سقوطها
تساءلت
هل هي تشعر بكل ما تحمله؟
هل قطرة دمع قد تشعر بالحمل الثقيل الذي دفع بصاحبها لطردها خارج عينيه؟
لا أعتقد ذلك
هذا الحمل لا يقوى عليه سوى صاحبه
ينوء به ويتألم لكنه يتحمله
ربما لأنه الوحيد الذي يشعر به
مهما أبدى من حوله تفهمهم له فلن يصلوا أبداً لفهم مشاعره والصراعات التي تدور دوماً بداخله
لا تدري كل دمعة مصير الدمعة التي سبقتها
كل ما تعرفه أن حياتها قصيرة.. مثل الإحساس الذي ولّدها
كل ما تعرفه أنها تؤدي دوراً في غاية الأهمية
ربما بمجرد ميلادها وموتها الفوري هذا تخرج أسراراً كادت تفتك بصاحبها
قليلون من يقدروا دورها
ربما لصغر حجمها لا يستطيعوا ذكرها
ربما لكونها تبدو مستسلمة لدورها الذي وجدت من أجله
ولكن
رُب دمعة أطفأت ذنباً
ورُب دمعة أذهبت حزناً
ورُب دمعة قتلت صاحبها.. عندما فقدت دورها وسقطت كأن لم تكن


11 طاروا معايا في الأحلام:

قلم رصاص يقول...

مش عارف بجد أقول لك ايه على البوست ده
قدرتي توصفي حالة بشكل رائع ..بدون تكلف مع عمق للضمون في غاية الجمال

من أجمل ماقرأت في هذه الناحية

تحية لقمك الرائع

وكل سنة وانتي طيبه وان شاء الله السنة دي تكون أكثر سعادة عليكٍ وعلى الجميع

في حفظ الله

MaNoO يقول...

يااااااااااااه ايه الاحساس دا
وصف مختلف بجد وفعلا الدمعه فى الاول والاخر ليها دور وبتأديه ممكن متعرفش هسا نزلت ليه او رايحه فين بس فى الاخر هيا بتنزل
انا مش عارف ارد على كلامك اللى كاتباه اصلا
تقبل احترامى وكل سنه وانتى طيبه

Tamer Nabil يقول...

سنة حلوة عليكى

وربنا يحقق ليكى كل ما تتمنى يارب

الدمعة دورها فى حياتنا مهم

ربنا يوفقك ويكرمك

مع خالص تحياتى

حلم بيعافر يقول...

نعمة من نعم ربنا
كل سنة وانت طيبة

عمــود نــور يقول...

ربما خرجت دمعة تموت على وجه صاحبها لكى يحيى معه احساس جديد بالراحة

إنسانة يقول...

وااو ...
الصراحة خاطرة عجيبة ...
دمت و دام قلمك ...


تيك كيير ...

مجرد حلم... صغنتوت يقول...

قلم رصاص
فرحني تعليقك أوي
وكل سنة وانت بألف خير يا رب :)

مانو
مبسوطة انها عجبتك :)

كل سنة وانت طيب

مجرد حلم... صغنتوت يقول...

تامر
سنة حلوة عليك انت كمان

حلم بيعافر
فعلاً نعمة من ربنا محدش بيحس بيها غير اللي يبقى نفسه يعيط وميعرفش

مجرد حلم... صغنتوت يقول...

عمود نور
كلامك صح
وهي غالباً بتبقى مخلوقة علشان كده.. تريح صاحبها وتخرج شحنة جواه ممكن تكون هتقتله لو مخرجتش

إنسانة
نورتيني في اول زيارة هنا :)
مستنية تنوريني دايماً بقى

اقصوصه يقول...

ليش انجح من الدموع

علاجا للهموم :)

مجرد حلم... صغنتوت يقول...

فعلا في اوقات كتيرة بتبقى الدموع حل للهموم
بس ساعات من كتر ما الدموع بقيت بتنزل معدتش بتحل الهموم دي
شكراً على مرورك :)

إرسال تعليق

سيب بصمتك... سيب كلمتك...