26 فبراير 2010

أمان !!

 
 أراك تحميني من العالم خوفاً عليّ
تسوق الظروف لكي تجمعنا
تربت على قلبي بكلماتك
تحملني لأعلى سحاب
تتحمل من أجلي كل الصعاب
ربما قطرة ماء تروي ظمأي
وكلمة تروي ظمأ قلبي
تعيدني للأمل
تعيدني للحياة
تسعد نفسي
أنظر إليك دوما
فأرى أحلاما ضلت طريقها
ثم وجدته مرة أخرى
أحاول الفرار
فأزداد كل يوم قربا
أحبك بإرادتي
ورغما عني
أتساءل في خوف
هل ستظل هنا من أجلي؟
أبحث عن إجابة ترضيني
أخاف المجهول
أجد قلبي يجيبني
لا تقلقي
لا تحزني
لا تخافي
لم يكن أبدا ليتركك
لم يكن أبدا ليحزنك
قلب يهواك لم يكن ليؤلمك
فأعود
إحساس الأمان يغمرني
يمنحني جناحين
أحلق بعيدا
عن الناس
عن الحزن
عن الألم
عن الفراق
عن الوحدة
عن اليأس
عن الحياة بأكملها
لأجد نفسي في الحياة الأخرى
!!!!!!!

12 طاروا معايا في الأحلام:

Tamer Nabil Moussa يقول...

كلمات جميلة دعاء

ربنا يوفقك ويكرمك

مع خالص تحياتى

Ms Venus يقول...

كلمات رقيقة ندية برقة قطرات الندى عندما يداعب ثغر الورد


تحياتى لقلمك عزيزتى


زيارتى الاولى ولن تكون الأخيرة ان شاء الله

حـــلـــم كـــان يقول...

بجد جامده يادعاء

تسلم ايديك

محمد فؤاد (صاحب عمود النور) يقول...

الله
ايه ارومانسية الحوة دى.؟؟؟
هو فعلا فى رومانسية كدا؟؟ ولا برضه حلم؟؟؟
انا عجبانى الصورة قوووووووووووى
معناها قوى جداا بالنسبالى

تسلم افكارك

مجرد حلم صغنتوت يقول...

تامر نبيل
شكراً على مرورك ورأيك
بنتظر زيارتك دايماً

Ms Venus
تسلمي لمرورك الكريم
منتظرة زيارتك دايماً بعد كده :)

حلم كان
نورتيني يا مييووي

عمود نور
مش عارفة فيه رومانسية كده ولا هتفضل احلام
ربنا يسهل ومتبقاش احلام بس :)
نورتني يا محمد

وصف الاحساس يقول...

الامان كلمة قدمه ميت علامة استفهام
مين عارف
يمكن فعلا الامان في الحب
او الحب بييجي معاه الامان
هممممممم مش عارفة بس في كل الاحوال مهم الامان ويمكن اكتر من الحب
شكرا لكلماتك الجميله
تحياتي

Tamer Moghazy يقول...

د..د..د..
لأ..مش باأتهته..الـ (د) الاولى يعني دكتورة..
الـ (د) التانية يعني دعاء..
الـ (د) التالتة يعني دودو (طبعا بعد اذنك ) :)
المهم يا ستي جيت اقولك رغم انه كلامك في البوست ده عجبني الا ان عجبني حاجة حلوة في البوست اللي فات بما اني اتاخرت ومش جيت من زمان :

ويبقى الأمل..
ويبقى الحلم..
مجرد حلم يأمل أن يصبح حقيقة..

يمكن لاني عيشت معنى الكلام ده ايام وشهور وسنين (';')

مجرد حلم صغنتوت يقول...

وصف الاحساس
شكراً ليكي انتي على ردك
اكيد الامان اهم من الحب
حب من غير امان يبقى كأنه مش موجود
تسلمي على مرورك

تيمو
:)
مجرد حلم يأمل أن يصبح حقيقة
يا رب يا رب
نورتني :)

محمود نشأت يقول...

ما شاء الله
الاحساس جميل جدا

بالتوفيق دايما باذن الله

القمرالباكي يقول...

السلام عليكم
احساسك عالي ووصلني لان فعلا كلنا بندور علي الامان ونفسنا نلاقي الي يحمينا من الدنيا ومن غدرها ومن الناس نلاقي قلب يطمنا في وقت الالم والجرح يضمنا ينسينا اي خوف
يارب يسعدنا جميعا ونلاقي الامان لان من غيره مفيش حب ولا استقرار ولا راحه
دومتي بخير

Maha Shahen يقول...

كلمات جميله اختى الكريمه لكنى حسيت انها لله سبحانه وتعالى بفارق بسيط ان النفس صعب تفكر ان ربنا ممكن يتخلى عنها فبرغم كل ما فعلنا دائما متاح نقول يا رب فهو قريب سميع مجيب للدعاء
احييكى علي كلماتك الرقيقه وعذرا لو غيرت اتجاهها
خالص تحياتى ليكى

لــــ زهــــــراء ــــولا يقول...

ما شاء الله على الاحساس اللى اكتر من رائع
اعتذر على التاخير
ياترى يا هل ترى هل لازالت هذه النوعيه من الورمانسيه تحلق فى عالم سيطرت عليه الماديات واصبح يتحدث بلغة الارقام

دام قلمك مبدع

زهراء

إرسال تعليق

سيب بصمتك... سيب كلمتك...