22 مايو، 2011

شهيق وزفير


أغمض عيني وأبتسم
روحي تلمس قلبي فينتعش ويفيق من غفلته
تنخفض الإضاءة المحيطة فأدخل في حالة من الاسترخاء لم أعيشها من قبل
تتلخص الحياة في شهيق يحمل عبق التفاؤل وزفير يطرد روح اليأس

أستنشق حريتي وأزفر ألمي في كل لحظة
أزداد صفاء وراحة
وقتها أرى الحياة كأني لم أرها من قبل
أراها بلا قيود..بلا حدود..أراها ممر أستطيع تخيله كالزقاق أو كالميدان
أفتح عيني فأقف على رأس هذا الممر
يكون ضيق في بدايته.. أستطيع جعله متسع في منتصفه.. نهايته لا أستطيع رؤيتها من الآن لكن آمل أن تكون متسعة أيضا

شهيق أمل.. زفير حب
شهيق روح.. وزفير جرح
لأول مرة اكتشف هذا الكم من الأنفاس في الدقيقة الواحدة

أحيانا يكتشف الإنسان أشياء يعيشها ولا يدري كيف يعيشها فتضيع منه للأبد
هو عمر واحد وحياة واحدة

سأغمض عيني مجددا كي أرسم حياتي.. ويوم يكتمل الرسم سأمحو خدوش الزمن عليه.. يوما ما سأستطيع

 ===============================
أصدقائي المدونين
انا مقصرة معاكم ومع مدونتي بقالي فترة كبيرة.. بس انا في مرحلة تغيير هتغير حياتي كلها بعد كده.. يا رب تبقى للأحسن
خايفة وقلقانة من اللي جاي.. بس متفائلة خير اوي بربنا علشان عارفة انه جنبي في كل خطوة انا عملتها او لسه بعملها

بحب مدوناتكم واحدة واحدة وهرجع تاني قريب اوي ان شاء الله :)

6 طاروا معايا في الأحلام:

Ms Venus يقول...

سأغمض عيني مجددا كي أرسم حياتي.. ويوم يكتمل الرسم سأمحو خدوش الزمن عليه.. يوما ما سأستطيع


يارب تقدرى

ويارب كلنا نقدر نعمل كده


وردة ليكى

Tamer Nabil Moussa يقول...

ازيك حلم اخبارك اية

كلمات رائعة

تسلمى عليها

ربنا يوفقك ويكرمك

وينولك اللى فى بالك

مع خالص تحياتى

حنين الذكريات يقول...

تتلخص الحياة في شهيق يحمل عبق التفاؤل وزفير يطرد روح اليأس
ياريت كل البشر يعرفوا يستنشقوا تفاؤل ويطردوا اليأس مع الزفير
لو حدث ذلك مش هيبقى فيه ألم فى الحياة ولا اى صعوبة
ربنا يجعلك فى تفاؤل دائم وحياة سعيدة

حَـبآيـۃْ.بـטּـدۉڷ يقول...

:) عَجبتِني أوي التَّدوينَه دِي يـآ دُعاء

إنْ شاء الله الجَـآيْ خيرْ .. وأملْ .. :)

قول ياااارب يقول...

جميييييييييييله اوى الكلمات يادعاء يمكن لان بنحس الموضوع كتير..لما تحسى بنسمة هوا معديه فجاه وتستنشقيها بكل قوتك علشان تاخديها كلها لان جواكى محتاج الهوا ده ساعتها بس بيكون الزفير هو الاحباط والياس والحزن
تسلم ايديكى على الحاله اللى عيشتينا فيها دى

(حلـم) يقول...

للامام


مع اطيب المني



واسعد اللحظات


طمنينا دايما عليكي


فوتك بعافية

إرسال تعليق

سيب بصمتك... سيب كلمتك...