29 سبتمبر، 2009

يا هلا بالغاليين :)



بسم الله الرحمن الرحيم

أهلاً بيكم في أول حاجة أكتبها في مدونتي
يمكن اتأخرت كتييييييير أوي
29/9/2009
يمكن يبقى تاريخ مميز في حياتي بعد كده

كان نفسي أعمل المدونة دي من زمااان...بس يمكن انا اللي مكنتش بحاول بجدية أوي في الموضوع ده
واللي أخرني كمان اني مكنتش لاقية اسم مناسب ليها
بس أخيراً الحمد لله استقريت على الاسم ده.... مُجَـــرَّد حُــلْــم

كان الاسم من قصة كتبتها.. كانت فكرة القصة مش فكرتي... كانت فكرة حسام المنسي...حد بعزه وبحترمه جداً :)
لما نفذت الفكرة وانا بخلصها اخترتلها الاسم ده... حسيت انه بيعبر عن حالي نوعاً ما...أحياناً كتير بفكر في أحلام كتير....يمكن بعدت عن حاجات فيها لفترة...يمكن غيرت حاجات فيها ...يمكن اتأثرت بناس كتير...يمكن غلطت شوية بتأثري ده....يمكن غلطت لما ربطت أحلام كانت ليا من زمان بأشخاص معينين فضاعت مع اختفائهم من حياتي...يمكن بكده ظلمت أحلامي معايا
بس اللي بحاول أعمله دلوقتي اني أرجَّع لأحلامي دي حقها... أخليها أهم عندي من أي حاجة تانية والأهم اني أحولها لحقيقة مش مجرد أحلام.

مستنية رأيكم ونقدكم ونصيحتكم في كل حاجة في المدونة شكلاً ومضموناً.

نورتوني...بحبكم (F)

4 طاروا معايا في الأحلام:

tarek ramzy يقول...

بسم الله الرحمن الرحيم.
إلى شخصية باحترمها جدا وأفخر دائما عندما أذكر معرفتي بها أمام الناس لأنها إنسانة اجتهدت في بناء شخصيتها و أحبها الناس لأنها تصل إلى القلوب بأقصر الطرق وهي الأدب والرقي واحترام الذات.
مجهود هائل أعانك الله أن يكون موقع خير وصدقة جارية لكي. وأتمنى أن يجتمع فيه جميع الأصدقاء الراغبين في الرقي ولقاء أناس نتعلم من بعضنا ونستفيد من خبراتنا فهي الحياة لانستطيع أن نسير وحدنا وذلك تحت ضيافة صاحبة البيت د/دعاء
ده مجرد حلم و يارب يتحقق.. وإلى لقاء آخر لو كتب لي العمر عشان عندي أحلا م كتير....
ربنا يوفقك يادعاء

AlaDDin يقول...

احم .. احم ..

مش عارف بداية الرد بتكون ازاي ..
بس عامة مبدائيا مبروك يا دعاء افتتاح المدونه ..

بجد مدونه مميزه في الشكل و بتحمل طابع خاص ..

و اكيد هتكون مميزه ان شاء الله في المضمون و المحتوى
انعكاس من تميز شخصيتك

و ن شاء الله نكون معاكي في احلامك .. بالمتابعه او المشاركه لو نقدر ..

و ربنا يسهل و نشوف احلامك كلها متحققه ..
هنا و في الواقع ...

تحياتي .. و الف مبروك البدايه ..
و ده نوووورك :)

غير معرف يقول...

ألف مبروك يا دعاء

ويا رب المدونه دى تكون بدايه خير كبير ليكى يا رب

تقبلى خالص التحيه
د. احمد كرم

دعـــاء يقول...

طارق
والله ما عارفة ارد اقول ايه
ربنا يكرمك على كلامك ده كله...الكلام ده كتيييييير اوي عليا
منور المدونة والله.... وان شاء الله أشوفك على طول هنا
ومستنية مدونتك المنافسة دي قريب بقى :)

علاء
:D
الله يبارك فيك
رأيك ده يشرفني...خصوصا لما يعجبك التصميم بالأخص لأنه هيبقى من حد نظرته الفنية في التصميم تصل للاحتراف :)
يا رب احلامنا كلها تتحقق على ارض الواقع

لازم اشوفك هنا وفي المدونة بتاعتك على طول بقى ان شاء الله :)

احمد
الله يبارك فيك
شكراً على مرورك ويا ريت اعرف رأيك دايماً في المدونة

إرسال تعليق

سيب بصمتك... سيب كلمتك...