12 يناير 2010

قضبان قطار!!



قضبان حديدية ربما
لكنها تحمل الكثير
آلام وأوجاع... آمال وأفراح
فقير.. غني.. وحيد.. أسرة بأكملها
طريق بين القضبان
ضيق ربما... رحب بإحساسه
يمتد إلى اللا نهاية
يرقب اتجاهين متعاكسين
ربما تحمل جزءاً من تناقض الحياة
ربما تحمل صراعاً بين الأمل في اتجاه... واليأس في الاتجاه المعاكس
وتستمر الحياة.. ويستمر التناقض
لكن..
ترى هل سيفقد أحد حياته في هذا الصراع؟؟

7 طاروا معايا في الأحلام:

قلم رصاص يقول...

وصف بديع ♫ ♫ ♫ ♫
احيكي عليه
ودا واقع فعلا .. وبحس فعلا انه القطار بالتحديد كوسيلة مواصلات بيضم جزء او شريحه من الحياه بكل متناقضاتها في ذلك الحيز الضيق من المكان

لابس بجد وصفتي الحاله بشكل جميل وسلس

دمتي مبدعه دائما

في حفظ الله

saragebaly يقول...

الحياة ما هي الا خليط من المتناقضات

حتى أنفسنا يملأها التناقض

بين وبين وبين

ويوجد من يفقد حياته سريعا

وهو من يفقد هويته

او لا يحددها من الاساس



تحياااتي لقلبك

كوني بخير

سارة

مسدس صغير يقول...

هيه الصورة دى من يوم اللقاء؟؟
هههههه
الظاهركده
كلماتك معبرة اوى

ربما تحمل صراعاً بين الأمل في اتجاه... واليأس في الاتجاه المعاكس
وتستمر الحياة.. ويستمر التناقض
لكن..
ترى هل سيفقد أحد حياته في هذا الصراع؟؟


احييكى على البوست

محمد فؤاد (صاحب عمود النور) يقول...

حلوة قوووووى التشبية دا صورة بديعة وخيال ابدع
احستنى بجد

لاياصلاح مش من اللقاء اللى فات ههههههههههه

حياه بلا عنوان يقول...

السلام عليكم ورحمه الله وبركاته
بصراحه دى اول زياره ليا للمدونه بس حسيت انها جميله والبوست جميل قوى وصفك للقضبان القطار جميل
بس اكيد زى ما ذكرتى ان بتحمل جزء من تناقض الحياه تعبيرك ده صح فعلا بس مش الحياه هى اللى بتحملنا لى كده لا انا افتكر ان الانسان نفسه هو اللى بيبنى الحياه وهو اللى بيهدها بنفسه
ياريت تقبلى مرورى
تحياتى

مجرد حلم صغنتوت يقول...

قلم رصاص
ربنا يخليك ... تسلم على رأيك ده :)

سارة
اسعدني مرورك
دمتي بخير :)

مسدس صغير
لا يا سيدي مش من يوم اللقاء
بس من وحي يوم اللقاء :D

مجرد حلم صغنتوت يقول...

عمود نور
ربنا يخليك يا محمد
انت اللي كبرت في دماغي فكرة اني اقعد اصور في نص الشارع... والله كان نفسي اعملها من زمان :D

حياة بلا عنوان
وعليكم السلام ورحمة الله وبركاته
مش عارفة... المفروض ان الانسان ميسيبش الحياة هي اللي تتحكم فيه ويقاوم ويوصل للي هو عايزه في الاخر
بس ساعات بيسيب نفسه ولو للحظة فيحس انه بينجرف مع تيار الحياة
الواحد حاسس باحساس الانجراف ده اوي اليومين دول
نورتيني بمرورك العطر :)

إرسال تعليق

سيب بصمتك... سيب كلمتك...