23 يناير 2010

قــطــرات المــطــر



قطرات من الماء تتساقط من السماء
لا أدري متى أدركت ماهية هذه القطرات
لابد أني في وقت ما في صغري كنت أتخيل السماء تبكي بهذه القطرات.. لم أكن أدري أن هذه القطرات هي رزق من الله ندعوه كثيراً أن يرزقنا به


لكن هذه القطرات معي تأخذ معناً آخر
كم أنتظر هطول هذه الأمطار بفروغ الصبر
أقف أمام هذه الأمطار المنهمرة.. أرى آلامي تسقط معها أرضاً.. أراها تغسلني من الداخل تماماً كما تفعل مع الطريق.. تدفع معها كل الشوائب.. تترك أثراً طيباً يدفع روحي للإنتعاش.
أخاف من لمس هذه القطرات.. ربما لخوفي من أن أمنعها من الوصول لمستقرها الأخير ومعها أحزاني.. ربما قطرة واحدة تجعل آلام كثيرة تستمر دون مداواة.
ثم تبدأ في الهطول دموعي أنا الأخرى لتقوم بدورها الإضافي


ثم في منتصف هذه الراحة الغامرة تنقلب دموعي لألم.. تذكرتك
لماذا الآن؟ لا أدري
ربما لأن دموع السماء ودموعي في آنٍ واحد يشعروني بضعفي فأحتاج لقوتك
ربما لأني تذكرت كونك معي نستظل بعيداً عن المطر.. نرقبه من بعيد.. ندخل في نقاش طويل حول من أبكى السماء هذه المرة.. ثم نبتسم ونرقبها في صمت
ربما لأني أفتقد احساس الدفء والطمأنينة معك
ربما لأني .... لا أدري ماذا
حقاً شعور محير
وفي النهاية سيستمر بكاء السماء.. وبكائي أيضاً بين الحين والآخر كتطهير للنفس.. في وجودك أو اختفائك كلاهما سواء هذه المرة


16 طاروا معايا في الأحلام:

قلم رصاص يقول...

حظي الرائع اني دايما اول تعليق عندك في اخر كام بوست

بجد أنا تحيتي لأسلوبك الرقراق في التعبير عما تودي البوح به في صورة خواطر ، أصبحت متكرره بشكل روتيني

لو مرة لم أحييكي على أسلوبك إعلمي ان التقدير موجود وان كنت لم أكتبه

أما بقى بخصوص جوهر كلماتك فبجد المره دي رائع جدا .. وتشبيهك هنا يجنن ..!

لكن عتابي الوحيد اني بلاحظ جدا ان معظم ماتكتبه حواء على جدران بلوجر العظيم يحمل الألم وبصيص من رياح التشاؤم تهب دائما على الأماكن ..

انا مش عارف بصراحه هل دي حالة عامه ولا ايه بالظبط ؟!!!!!!

أتمنى أكون غلطان في ملاحظتي .. لأني ببساطة أتمنى ان تكونوا جميعا بكل خير وتشتمون السعادة مع كل شهيق وزفير..!

تقبلي مروري وخالص تقديري وتحيتي

Tamer Nabil Moussa يقول...

كلمات رائعة


وعرض طيب جميل

تسلمى علية

ربنا يوفقك ويكرمك

مع خالص تحياتى

مجرد حلم صغنتوت يقول...

قلم رصاص
انا اللي حظي الرائع انك بتبقى اول تعليق عندي ويمكن اكتر تعليق بستناه
انت اللي ناصفني في عالم التدوين :D :D
شكراً على رأيك ده
حكاية رياح التشاؤم يمكن فعلاً حاجة عامة اليومين دول
يا رب كلنا نطلع من الحالة دي بسرعة
تحياتي لك :)

تامر نبيل
تسلم على مرورك الكريم
بالتوفيق دايماً :)

محمد فؤاد (صاحب عمود النور) يقول...

ايه دا؟؟؟؟؟؟؟
ايه الخيااااال العالى دا ؟؟
حلو قووووووووووى التشبية والربط مابين دموعك والامطار
الجملة دى عااااااااااالية اخر حاجه:
أخاف من لمس هذه القطرات.. ربما لخوفي من أن أمنعها من الوصول لمستقرها الأخير

بجد كل مرة بتثبتيلى انك احسن من اللى قبليها

قلم رصاص يقول...

السلام عليكم

سبتيلي تعليق في ال Cbox عندي بخصوص طلبك موقع تميبليت لتغيير استايل المدونة وانك بتعيلي ميل وانا مرديتش ..
الحقيقه والله انا موصلنيش حاجة على الميل منك ،يمكن عشان طريقة الاتصال بيا اللي انا حاططها على المدونة ملخبطة شوية فيمكن موصلنيش حاجة بسبب كده

عموما اي استفسار ابعتيهولي على الميل ده sayedxp@gmail.com

وانا تحت امرك في اي حاجة اقدر اعملها مش هتأخر ان شاء الله

في حفظ الله

لــــ زهــــــراء ــــولا يقول...

" ربما لأن دموع السماء ودموعي في آنٍ واحد يشعروني بضعفي فأحتاج لقوتك
ربما لأني تذكرت كونك معي نستظل بعيداً عن المطر.. نرقبه من بعيد.. "

ايه الاحساس العالي ده؟ دائماً ما تحتاج قلوبنا الضعيفة التي اوهنتها الظروف مرة تلو الاخرى للاحساس بلحظات القوة في حضن دافئ قوي يحتوينا الله ع الاحساس الجميل اللي وصلني ربنا يعزك يارب وتملي متألقة (:

منتحرة بخنجر الحرف يقول...

كلماتك عن المطر لمست شغاف قلبى
فعلاقتى بالمطر علاقة وطيدة
و قد كنت كتبت عنه خاطرة من قبل تحدثت فيها عن ماهيته فى حياتى
فهو السراب القادم من بعيد
و هو من نستجديه دوما لحيينا
هو معانى عديدة
سلمت يدك و تشرفت بمعرفة مدونتك

مجرد حلم صغنتوت يقول...

عمود نور
:)
ربنا يخليك يا محمد
بعضاً مما عندكم
نورتني

قلم رصاص
شكراً على اهتمامك وهتابع معاك على طول ان شاء الله

لولا وزهراء
اول زيارة ليكم هنا
يا رب تكون المدونة عجبتكم
شكراً على مروركم الكريم ومستنية رأيكم دايماً ان شاء الله :)

منتحرة بخنجر الحرف

فهو السراب القادم من بعيد
و هو من نستجديه دوما لحيينا
هو معانى عديدة

جميل اوي معنى كلامك.. رغم جمال المطر لكن بيفضل جزء فيه مرتبط بالألم لتذكر الضعف اللي بنحاول ننساه
شرفتيني بمرورك :)

لــــ زهــــــراء ــــولا يقول...

اول زيارة ليكم هنا
يا رب تكون المدونة عجبتكم

" عجبتنا جداااااا تسلم الايادي "

شكراً على مروركم الكريم ومستنية رأيكم دايماً ان شاء الله :)


" احنا اللي نشكركم على الابداع والتألق والاحساس الراقي (:"

hend mossallam يقول...

انا اول مره اجي هنا
المكان هنا مريح :]
حلو البوست اوي

MaNoO يقول...

احساااااس لا يوصف بجد واتمنيت ان كل الناس المطر يكون بيطهرهم من جوا كدا وحلو اوى ان ربطى المطر انه بيبقى فيه جزء من اللأم لانه فعلا كدا مهما كان بيعمل فينا بس هو اصلا جواه جزء حزن مع ليل الشتاء
تحياتى كلمات بجد رائعه

قلم رصاص يقول...

فين بقى التمبليت الجديد؟

ربنا يوفقك وتلاقي المناسب

تقبلي مروري

Mohamed Sakr يقول...

انهاردة الصبح الدننيا كانت بتمطر دة اولا
ثانيا حلوة جزئية ... إن السماء بتبكي فيها خيال إبداعي ، جاي من فطرتك اللي بتعكس حس موهبة وخيال خصب ، عجبني البوست واسلوبك اللي عكس احساسك

بس على رغم بعد الحزن والتشائم اللي موجود فيه ، حسيت من قرأتي لجزئية انا مين ؟؟؟ اللي موجودة في اول المدونة على اليمين ، إنك عنيدة مع حزنك ومه توهانك ، اللي من المؤكد كلنا بنمر بيه بنسب مختلفة وبشكل نسبي في جوانب مختلفة

بس اللي اقدر ائكد عليه ، ان الفشل بداية النجاح والتوهان بداية الاتحاد مع الذات ، والحلم بداية الهدف

ربنا يوفئك ويكتب لك الخير وينتشلك من اي مود وحش او كرب او تجربة بايخة

والدعاء دة ليكي ولينا كلنا كشباب
ياااااااااااااااااارب

مجرد حلم صغنتوت يقول...

I'm The CraZy One
:)
البيت بيتك وجميل انك ارتحت هنا :)
مستيناك على طول ان شاء الله

MaNoO
انت فينك من زمان
نورتني بمرورك ومستنية رأيك دايماً :)

قلم رصاص
معلش والله تعبانة شوية اليومين دول
قريب ان شاء الله

Mohamed Sakr
ربنا يكرمك على الدعوة الجميلة دي
اول حد يعلق على جزئية انا مين اللي في المدونة :)
المشكلة ان العند والمقاومة دي خايفة تقل من كتر اللي بشوفه.. ربنا يستر
شكراً على مرورك وان شاء الله مش تكون اخر زيارة ليك هنا

لــــ زهــــــراء ــــولا يقول...

اين الجديييييييد

zahran يقول...

جميل جدا

إرسال تعليق

سيب بصمتك... سيب كلمتك...