14 نوفمبر، 2010

آخر قطعة بازل.. كتاب إلكتروني

اصدقائي الأعزاء
اولاً كل سنة وانتو طيبين.. يا رب عيد سعيد عليكم كلكم وعلى كل اللي بتحبوهم

ثانياً
النهاردة.. 14/11/2010 إطلاق كتاب رسالة الالكتروني الاول ..

"""  آخر قطعة بازل """

كتاب رسالة هو اول كتاب إلكتروني تطلقه أسرة رسالة بكلية صيدلة المنصورة.. مجموعة من الأقلام المؤمنة ان ليها حلم في الكتابة.. مؤمنة بموهبتها قبل أي حد تاني.. مجموعة محدش يعرفهم بس يمكن في يوم يعرفهم ناس كتير :)

أسرة رسالة بكلية صيدلة المنصورة أحلى حلم اتحقق في حياتي لحد دلوقت... حلم بدأته مع صديقة عمري ومؤسس الاسرة من الصفر.. وكبرت وتطورت وبقيت احسن واحسن.. وكملت السنة دي اربع سنين وبدأت السنة الخامسة ليها 
أنشطتها متنوعة.. منها خيرية ومنها اجتماعية ومنها ثقافية وعلمية وكمان ترفيهية.. وقدرت تعمل اسم ليها يعرفه ناس كتير في الجامعة كلها مش في صيدلة بس

ده لينك تحميل الكتاب
http://www.4shared.com/document/IImlzZlW/resala_electronic_book.html
يهمني رأيكم في الكتاب كله.. وانا ليا مشاركة في الكتاب يهمني رأيكم فيها كمان

كل سنة وانتم بألف خير يا رب :)

9 طاروا معايا في الأحلام:

حلم بيعافر يقول...

نحمل ونشوووووووووووف

رحــــيـل يقول...

كل سنة وانتى طيبة وجميلة يا دعاء ومن نجاح لنجاح يااااااارب دايما جميل بجد الاستمرار فى عمل بالجمال والايمان ده
جاري تحميل الكتاي يادودو

قلم رصاص يقول...

كل سنه وانتي طيبه وعيد سعيد ان شاء الله

جاري التنزيل والقراءه

تجربه رائعه وموفقه بإذن الله

^_^

Ms Venus يقول...

كل سنة وانتى طيبة وبخير دايما يارب

وعيد سعيد عليكى يارب

The illusionist يقول...

استنى رايى

هحمله واشوفه واقول
كل سنه وانتى طيبه يا صغنتوت

ودى هوديه صوغيره

http://img28.imageshack.us/img28/285/so3ntot.jpg

مجرد حلم صغنتوت يقول...

هستنى رأيكم كلكم ضروري :)

حلم بيعافر
ربنا يسهل ويعجبك
كل سنة وانت طيب

------------------------------------

رحيل
وانتي طيبة ربنا يخليكي ليا يا رب :)

------------------------------------

قلم رصاص
وانت طيب وعيد سعيد علينا كلنا يا رب

------------------------------------

Ms Venus
وانتي طيبة ويا رب يبقى عيد سعيد فرحان عليكي وعلى كل اللي بتحبيهم :)

------------------------------------

The illusionist
وانت طيب وبكل خير دايماً يا رب
تسلم ع الهدية الجميلة دي يا زناتي باشا.. نردهالك في الافراح يا رب :D

حلم بيعافر يقول...

كل سنة وانت طيبة

هى كلها تجارب ناس عايزة تكتب واى كاتب مهما كان حجمه بدا البداية دى...اكتر حد لفت انتباهى بصراحة اخر حاجة مش فاكر اسمها بس هى بتكتب عامية كويس

ربنا يوفقكم كلكم

مجرد حلم صغنتوت يقول...

حلم بيعافر

اخر واحدة مي رضوان
مبسوطة ان التجربة عجبتك.. اغلب اللي كاتبين طلبة او لسه خريجين جداد

ناويين ان شاء الله نكررها

شكراً يا محمد
وكل سنة وانت طيب :)

حلم الأمومة يقول...

مدونتك رائعة
يسرني ابداء رأيك في مدونتي
http://helmalomomah.blogspot.com/

إرسال تعليق

سيب بصمتك... سيب كلمتك...