9 نوفمبر 2010

إلى آدم ولوتس وشكوى الاحساس وكل من لا يتقي الله في نقل المواضيع

مين قال ان المفروض الواحد يزعل بس لو حاجة من اللي كتبها اتنقلت وهو كان ناوي ينزلها في كتاب او ما إلى ذلك؟
كل حرف كتبته هنا في المدونة كان من احساس حسيته.. ساعات فرحة.. ساعات حزن.. ساعات ألم
مفيش حاجة كتبتها من غير ما أحسها.. علشان كده بقى جزء مني
لما ألاقي بعدها الحاجات دي منقولة في منتديات من غير ما يتقال انها منقولة 
والناس تدخل ترد على كاتب الموضوع تقوله الموضوع حلو.. وهو يرد يقولهم ربنا يخليكم شكراً لمروركم الراقي
ده يبقى اسمه ايه؟؟
اه نزلت الحاجات دي على النت.. معرفتش ان دي حاجة غلط اوي كده.. حتى لو مكنتش ناوية انزل كتاب.. ملهاش علاقة بإني ابقى عايزة احفظ حقي في كتاباتي حتى لو مكنتش بالمستوى اللي يعجب كل الناس

1- منتديات مرتاح
موضوع : أحياناً
http://www.mrtah.com/vb/showthread.php?t=4990&page=42 
 المشاركة رقم 412 في الموضوع

 ناقل الموضوع: عضوة اسمها شكوى الاحساس
ده اول منتدى عرفت انه سرق موضوع من عندي.. وبعت للاشراف محدش رد ورديت في الموضوع ردي اتمسح

2- منتدى عرب سيتي
موضوع : نعم وحدي
http://www.arabcitey.com/vb/showthread.php?t=8024

موضوع : وردة مكسورة
http://www.arabcitey.com/vb/showthread.php?t=8026

موضوع : بقايا القارب
http://www.arabcitey.com/vb/showthread.php?t=8025

ناقل المواضيع: عضوة باسم لوتس

سجلت في المنتدى ولسه منتظرة تفعيل العضوية علشان اعرف ابعت للاشراف
واللطيف انها كمان في موضوع من المواضيع ناقلة الجملة اللي انا كاتباها تحت عنوان المدونة
حلم كشمعة تضيء قلبي... لنهايتها يعني

3- منتدى اكاديمية الدلتا للعلوم
موضوع : نعم وحدي
http://hamasat.do-goo.com/montada-f19/topic-t9024.htm

موضوع : وردة مكسورة
http://hamasat.do-goo.com/montada-f19/topic-t9026.htm

موضوع : أحياناً
http://hamasat.do-goo.com/montada-f19/topic-t9027.htm

موضوع : بقايا القارب
http://hamasat.do-goo.com/montada-f19/topic-t9025.htm

ناقل الموضوع : مشرف عام في المنتدى اسمه adam
مشرف عاااام يا جدعان.. هي وصلت لكده؟
سجلت في المنتدى وبعتت لمدير المنتدى ومنتظرة الرد.. لو كان فيه يعني

نفسي انزل شكر لمديري المنتديات دي لو لقيت منهم رد فعل... لو حصل والله هنزله

خلاصة القول.. حقي جه ولا مجاش.. انا مش مسامحة فيه وحسابه عند ربنا اللي بيسرق ده
دي لينكات مواضيعي الاصلية

شكر خاص 
لـ Timo.. مدونة آسف ع الازعاج لانه اول واحد خلاني اخد بالي من الحاجات اللي بتتسرق دي

16 طاروا معايا في الأحلام:

M.3esawy يقول...

معلش يا دعاء
كان لازم تاخدي بالك من حاجه زي دي من البداية .. اي حاجه على النت بتتسرق ..
على العموم حصل خير .. اعتقد انك عرفتي بدري شوية
ممكن تلحقي الموضوع .

(حلـم) يقول...

الثورة يفجرها مغامر


ويقودها احرار



ويجنيها الجبناء



المهم انتي تتابعين



اما انا لااعرف شيئا عن عوالم المنتديات



البوست جيد وبحاجة لتعميم



لفضح هذة المسلكية المشينة


دمتي بخير دكتوارة



المودة

حلم بيعافر يقول...

ههههههه قال وانا اللى كنت فاكر البلوجر مفيهوش الحاجات دى ...انا كنت بكتب البوست فى منتدى الاقيه اتنشر بسرعة البرق فسيبت المنتديات خالص وتقريبا مبقيتش اشارك بحاجة وقلت البلوجر انضف وامن هههه اتااااااارى برضه فيه سرقة
بصى لو الموضوع يتاخد ويشار للمصدر مش هزعل
انما اللى يزعل انه يتنسب لحد تانى واللى يزعل اكتر الردود اللى كلها شكر وتغزل فى الحرااااااااااااامى اللى سرق الموضوع
متزعليش كلنا لها
وبعدين ايه ناوية تنزلى كتاب دى؟...قبلى يعنى؟...باصصللك فيه

The illusionist يقول...

طب لو انا سرقتك قبل كده ينفع اعترف يعنى

The illusionist يقول...

ههههههههههههههههه

اوعى يا عم

لا انا مسرقتش صراحه

ولا بتسرق

لان المشكله ان الناس مبتفهمش انا كاتب ايه وليه وازاى

وبكتب كلو بالمود

فمحدش يقدر يخش يكتب بالمود ده فى منتدى

هيدوله استماره سته

انما انتوا بتكتبوا شعر وبتاع

واخره كلو كوبى وباست

ومشكور اخى على مجهودك وبتاع

وبتبقى حاجه تفرس

قلم رصاص يقول...

"والناس تدخل ترد على كاتب الموضوع تقوله الموضوع حلو.. وهو يرد يقولهم ربنا يخليكم شكراً لمروركم الراقي
ده يبقى اسمه ايه؟؟"

اسمه غياب ضمير وحياء كمان

عموما لاتزعلي نفسي ناس كتير اتعرضت لدا
وحقك مبدأيا عند ربنا لحين مايكون فيه آليه معينه لرجوع حقك

كل سنه وانتي طيبه

still-searching يقول...

يا دودو
متزعليش نفسك

هم بيثبتولك كل مرة ان تدويناتك تستاهل انهم يسرقوها وينشروها

خدي الجانب الكويس في الموضوع

وللأسف مفيش حفاظ لحقوق الملكية الفكرية على النت

مجرد حلم صغنتوت يقول...

M.3esawy
عارفة يا محمد بس مكنتش متخيلة الوضع يبقى كده
دول اللي انا وصلت ليهم.. واكيد هيبقى فيه غيرهم
ما انا مش عارفة ألحقه دي معناها اني مكتبش في المدونة تاني ولا اعمل ايه :(



حلم
انا وصلت بمحض الصدفة للكلام ده
بعد ما عرفت ان فيه موضوع اتسرق النهاردة عملت سيرش على جوجل بأجزاء من مواضيع ليا وطلعت النتيجة ده كله.. ده النهاردة بس والمواضيع اللي دورت عليها بس.. الله اعلم فيه ايه تاني غيرهم

انا بجد اتضايقت
خير بقى



حلم بيعافر
لا دور بقى على حاجتك ربنا يستر ومش تلاقي حاجة مسروقة
ما هم لو نقلو وقالو منقول وحتى مقلوش منقول منين كانت هتعدي
انما يقعدوا يردوا ردود مستفزة ده اللي يحرق الدم بجد

انا بقول مال لو كنت ناوية انزل كتاب كان ايه اللي حصل.. يا عم نزل انت الاول انا مفكرتش في الموضوع ده لسه :)



The illusionist
انت حظك معايا النهاردة في اتنين بوست اسوء من بعض.. معلش بقى :)

اه والله حاجة تفرس.. حسبي الله ونعم الوكيل فيهم
انا بقول برده محدش هيعرف يسرق من عندك.. ده انا مش عارفة لحد دلوقتي اخلص بوست كامل عندك بتركيز علشان اعرف اعلق عليه :D



قلم رصاص
وانت طيب وبألف خير يا رب
هو فعلا حقي عند ربنا.. بس بجد حاجة تضايق وتحرق الدم
يلا خير بقى



stil-searching
بصيت للجانب الحلو في الموضوع يا لولو
وكنت متخيلة ان ده لو حصل مش هتضايق لانه بيثبتلي ان اللي كتبته حلو للدرجة دي
بس طلع احساس سيء اوي لما تكوني كاتبة حاجة في موقف معين انتي مريتي بيه وحستيه وفجأة تلاقيه مسروق منك.. تحسي ان حتة منك اتسرقت :(

Ms Venus يقول...

يااااااااااه

حصلت معايا قبل كده ودخلت لقيتها حاطة كل حاجة بالصور كمان


طبعا زعلت جدا واتضايقت زيك

بس للاسف ملهاش حل

وحتى لو ردوا عليكى فى المنتديات

متقدريش تضمنى انها متتكررش تانى وفى منتديات تانية


وانا لانى مش ضامنة ده وعلشان مش احرق دمى بطلت اصلا ادور واشوف


للاسف مافيش ضمير

مجرد حلم صغنتوت يقول...

Ms venus
شكلي هعمل كده فعلاً
انا مزاجي باظ طول اليوم النهاردة بسبب الكلام ده

The illusionist يقول...

هههههههههههههههههههههههههههههههههه

افحمتينى افحمتينى فعلا

ابو فارس يقول...

لفت انتباهي موضوعك
المفروض سمتيه copy:poste
معلش ده حال المنتديات العربيه
بس المفروض انت تعملي البوستات المهمه لا تنسخ
هيه بتعمل بس معرفش الزاي ححاول اعرف واقل لك والي الزملا.
كل عام وانت بخير بمناسبت عيد الاضحى
تقبلي مروري الاول
دمت بحفظ الرحمن

مجرد حلم صغنتوت يقول...

ابو فارس
نورتني بمرورك الاول.. ويا رب ميكونش الاخير
واسفة ان اول مرور ليك في مدونتي يبقى في الموضوع ده.. كان نفسي يبقى في حاجة احسن من كده

انا لسه بدور في موضوع البوستات انها مش تتنسخ.. بس لسه مش وصلت لحاجة

Timo.. يقول...

التقليد هو التحية التي يقدمها التافهون الى العظماء..
مش ها اقول اكتر من كده..!!

(حلـم) يقول...

عيد مبارك



كل سنة وانت طيبة


عيد سعيد

صياد يقول...

وكأنهم سرقوا الابناء
كما قلتى كل كلمة تخرج من قلب تعبر عن حالة وكانها المخاض
ولما تخرج لا تنقطع من الوجدان
من يسرق لا يشعر بما تشعرين بة ...انهم جمادات لا تشعر ولا تتفاعل...لا تغضبى ...ستجدى داخلك الكثير والكثير لتعبرى عنة..فلا تاسى على ما ضاع

إرسال تعليق

سيب بصمتك... سيب كلمتك...