7 نوفمبر 2009

لقاء المدونين بالمنصورة..... يااااااااااه انا اتأخرت اوي

6/11/2009
اليوم التاريخي ده كان لقاء المدونين بالمنصورة
وكان برده اول مرة اخد خطوة تتحسب ليا في عالم التدوين
يمكن الخطوة جت متأخر اوي بس اكيد كان مكتوبلها تيجي في الوقت ده مش قبل كده

اليوم بجد كان جامد
بداية من اول ما نزلت من التاكسي لقيت الناس بتبصلي وبتقولي انتي مين
طبعاً ولأن ده اول لقاء ليا مع مدونين مكنتش اعرف (انتي مين) دي معناها انتي مدونة ايه :D
وبعدها التبرع بالدم اللي كان في مستشفى الاطفال
طبعا انا اول ما دخلت المستشفى ولقيت ناس من رسالة هناك كنت حاسة اني داخلة بيني
ولو ان صبرني يا رب كانت هتضربني لما عرفت اني من رسالة بس اعمل ايه بقى... رسالة تجري في دمي :)

وبعدها خلصنا وطلعنا على جامع السلاب صلينا الجمعة وبعدها فوراً على كوك دوور للأكل... لازم طبعاً الناس اتبرعت وتعبت يعني
واخيراً نادي الأطباء 
انا اول مرة اقابل حد من مدونات تانية وكنت بصراحة متخيلة اللقاء غير كده... كنت متخيلة اننا هنتكلم كله مع بعضه ونعرف بعض ونعرف مدونات الناس كلها عن ايه او اتعملت ازاي بس يمكن علشان العدد كان كبير مكنش فيه فرصة اننا نعمل ده بس برده كان يوم جامد جداااااا ومندمتش اني جيت مع اني مكنتش اعرف حد خالص

تفاصيل اكتر عن اليوم هتلاقيها هنا

شكراً لكل الناس اللي اتشرفت بمقابلتهم النهاردة .... ان شاء الله مش هتبقى المرة الاخيرة
وشكر خاص لكل من:
 صبرني يا رب... رغي امرأة غير مطحونة... كويس انك قابلتيني اول ما وصلت علشان كنت هتوه ومش بعيد كنت ارجع البيت تاني :)
ابراهيم العدوي... كأني أتكلم... اول حد كلمني اول ما نزلت من التاكسي
فاتيما... روح قلب ماما..... اتبسطت اوي اني اتكلمت معاكي
مي... حلم كان... اهي كل الاحلام لازم تبقى معارف برده
شيمو... الشعب لابد له من حكومة تشكمه.. شكراً على العصير :)
ساسو... mourning dove ...... بجد عسولة خالص خالص :)

يوم ميتنسيش

23 طاروا معايا في الأحلام:

غير معرف يقول...

إنتي كنتي جميلة يا دعاء :)

غير معرف يقول...

دعاء :)

فيه مشكلة بتيجي لي في الرد عندك :)

بصي,حاولي تفتحي www.blogger.com/home

ومن المدونة,هاتي الإعدادات

وشيلي, تدقيق الكلمات

علشان مش عارفة أرد بعمل tab يجيب لي الخانة اللي تحت واحط الكلمات,يمكن ناس كتيرة نفسها ترد عندك ومش عارفة

هاتي كدة اعدادات المدونة وشوفي المسألة دي,يتسهل أكتر الرد بإذن الله :)

ريتاج يقول...

مساء الخير متجمعين يارب دايما فى الخير
انا مدونه جديده
اتمنا منك زيارة مدونتى المتواضعه
ويبقا التواصل
تحياتى
ريتاج

مجرد حلم صغنتوت يقول...

ايمان
شكراً يا جميل على النصيحة بتاعت البلوج
متهيألي كده اتظبط مع الناس اكتر
انتي كنتي اجمل بهدوءك وطيبتك دي :)

ريتاج
نورتيني يا جميل
وان شاء الله على تواصل دايماً
انا كمان مدونتي لسه عمرها شهر وكام يوم... بس ربنا يكرمنا والمدونات تتطور معانا اكتر من كده :)

dandana يقول...

جميل يا دعاء
اهم حاجة انك روحتى
الأيام اللى زى دى مابتتكررش

مجرد حلم صغنتوت يقول...

فعلا يا ميووي
اهم حاجة ان الواحد تهور وراح هناك :)

رحــــيـل يقول...

فعلا يا دعاء يوم ما يتنسيش

كان جميل وكان كل الناس جميله جدا

ربنا يكرمك يارب

حـــلـــم كـــان يقول...

دودو

بجد والله مبسوطه انى عرفتك

وكمان طلعتى تبع رساله يامعلم

بجد كان اليوم معاكى زى العسل بس زعلت عشان مشيتى بدرى

مجرد حلم صغنتوت يقول...

رحيل
ربنا يخليكي... كان يوم اجمل بمقابلتك كمان :)

ميووي
انا كمان مبسوطة اني شفتك... معلش بقى اني مشيت بس كان ورايا مشوار تاني والله
بس خلاص بقى احنا عرفنا طريق بعض... لازم نفضل على اتصال دايماً بقى :)

فاتيما يقول...

فعلا يا دعاء
يوم ميتنسيييييش
انا بس اخد نفسى و اجى أقعد اركز فى مدونتك و أجيبها من اولها لآخرها و اعرف كل حاجة
انبسطت جدا بالكلام معاكى و ارجو مكنش تطفلت عليكى و غلست قوى بس حقيقى كنت فرحانة بيكم كلكم
ربنا يوفقك إن شاء الله فى الشغل و ف الحياة و ف كل خطوة تخطيها
و سلام مؤقتا للتعليق الجاى
و خالص حبى يا حبيبتى

مجرد حلم صغنتوت يقول...

يا دي النور يا دي النور :)
كنت مستنية زيارتك دي والله
تطفل ايه بس....انا كنت مبسوووووطة اوي اني اتكلمت معاكي
براحتك بقى خدي نفسك والبيت بيتك تنوري في اي وقت :)

الشعب لابد له من حكومه تشكمه يقول...

انا جيييييييييييييييييييييت:)
انا كمان مبسوطه انى عرفتك والله :)
هباه اخد لفه فى المدونه:)

غير معرف يقول...

اليوم كان جميل اوى فى كل حاجه الناس والمكان والجو
اتمنى اعرفك اكتر من خلال مدونتك والمره الجايه نبقى نتكلم

♥نبع الغرام♥♪≈ يقول...

مبسوطه انى اتعرفت عليكى
يارب متجمعين بالخير على طول ويارب يدوم الود
انسانه رقيقه وهاديه
ربنا يكرمك
بحبك فى الله
ايناس

مجرد حلم صغنتوت يقول...

شيمو
تنوري المدونة
مستنية رأيك :)

محمد
انا كمان اتمنى كده
معلش انا اللي مش كنت متابعة مدونات كتير قبل كده بس علشان مكنتش دخلت العالم ده اوي
بس هتلاقيني لاجئة عندك على طول بعد كده ان شاء الله :)

إيناس
ربنا يخليكي يا رب
بجد كان يوم جميل بكل اللي اتعرفت عليهم فيه
يا رب يتكرر على خير دايماً :)

مسدس صغير يقول...

سعيد جدا باليوم
وسعيد انى اتعرفت عليكى
كان يوم ممتع من اوله بصراحة
ان شاء الله يكون لينا لقاءات تانية

Soul.o0o.Whisper يقول...

صباح الخير يا دعاء

أخبارك ايه؟؟
على فكرة أنا أول ما شفتك قعدت افتكر شفتك فين ياربى قبل كدا ... شفتك فين؟؟؟

و بعدين بعد ما اليوم ما خلص و روحت البيت
افتكرت انى شفتك فى الكلية :)
لما كنتوا عاملين حملة تبع رسالة فى الكلية من سنتين تقريبا
:)


رغم ان ماكنش فى فرصة اتعرف عليكى
بس سعيدة انى شفتك و ان شاء الله نتعرف أكتر

دمتى بخير دائما

!!! عارفة ... مش عارف ليه يقول...

من الحاجات الجميلة في اللقاءات اللي زي دي

إن الناس تشوف بعضها وأحيان اللقاء ده بيكون صادم

لأن الخيال بيرسم صورة مختلفة عن الواقع

والصورة دي بتترسم من خلال قلم صاحبها

على أي حال المهم والأهم إن اللقاء ده كان في الخير

وده ما ميمز لقاءات المدونين بشكل عام

وإن شاء الله البداية دي متكونش النهاية


تحياتي
وليد

شفـقــة و إحســــان يقول...

ربنا يجعله فى ميزان حسناتكم يارب
والمرة اللى جاية ان شاء الله نشارككم

Darsh Basha يقول...

أزيك يا دعاء
كنتى منورة اللقاء بجد
وانا سعيد بالتعرف عليكى
وربنا يوفقك يارب دائما

غير معرف يقول...

ربنا يسعدك:D

حلم بيعافر يقول...

انا زعلاااااااااااااااااااااااااان
عشان مجتش اللقاء ده

مجرد حلم صغنتوت يقول...

صلاح... مسدس صغير
ان شاء الله اتابع اكتر من كده وتلاقيني في كل اللقاءات بعد كده :)

soul
يعني نطلع من كلية واحدة ومعرفش غير دلوقتي
ينفع كده يعني؟؟؟؟
بس متعوضة ان شاء الله
متسنية زيارتك هنا على طول بقى :)

وليد
حكاية ان اللقاء بيكون صادم محصلش معايا انا بالذات لأني للاسف مكنتش متابعة مدونات قبل اللقاء ده
يا رب تبقى بداية خير دايماً كده
وتكون موجود في اللقاء الجاي ان شاء الله

شفقة واحسان
ربنا يكرمك وان شاء الله كلنا نتقابل في اللقاءات الجاية

مصطفى
ربنا يخليك ده بس من ذوقك :)

حلم بيعافر
متعوضة ان شاء الله مرة تانية
اكيد خير
حلو الاسم اوي على فكرة :)

إرسال تعليق

سيب بصمتك... سيب كلمتك...