يمكن خسرنا الماتش
الحمد لله على كل شيء
لكن مخسرناش احترامنا
ومخسرناش حبنا لمنتخبنا
المفروض ان الواحد حتى لو زعلان ان منتخب مصر مش هيدخل كأس العالم يبقى فرحان شوية ان على الاقل في منتخب عربي هيدخل
لكن مع منتخب زي الجزائر بأخلاقهم وأخلاق شعبهم دي... حتى لو مكنش الشعب كله .. على الاقل تلات ارباعه... معتقدش اني فرحانة ليهم خالص
ومعتقدش اني هشجعهم في كأس العالم
عن نفسي بحب فريق البرازيل جدااااا
زي الفل على الاقل يبقى فيه امل انه يوصل للكاس في الاخر :)
ربنا يكرم كل فريق مصر والفريق الفني على تعبهم
كفاية انكم جمعتو الشعب كله وراكم يهتف ويقول.... يا رب
محستش احساس التجمع ده قبل كده
كفاية انكم خليتو الناس تقعد تسمع اغاني وطنية اليومين اللي فاتو دول كلهم
وكفاية انكم كملتو لحد هناك في الضغط العصبي اللي كان عليكم ده
يا ترى هنتجمع تاني كده امتى وعلى ايه؟؟؟؟؟
.jpeg)
6 طاروا معايا في الأحلام:
:D
الحاجة الوحيدة الاستفددناها من لموال داه كله هوا ان احنا اتجمعنا على حاجة واحدة مع ان كان نفسنا طب اكبر من الكورة :)
بس يلا قدر الله و ما شاء فعل
بس العايزة اعرفو احنا اضربنا و احنا خسرانين اومال لو كنا كسبانين كنا ادبحنا ؟؟؟؟؟؟؟؟
الزعل مش ع الماتش والنتيجة
الزعل ع اللى عملوه لاعبى ومسئولى وجمهور الجزائر(الشقيق)
funky girl
فعلا لو كنا كسبنا كنا ادبحنا
حسبي الله ونعم الوكيل فيهم كلهم
محسسني اننا كنا في حرب مش ماتش وكمان هم اللي كسبوه
وأحلى تحية للعرب :|
حلم بيعافر
دول كسرو كل الحدود
توصل انهم يقولو علينا يهود؟؟ ليه يعني
توصل انهم يضربو المشجعين ويجروا وراهم في الشوارع؟؟
توصل لكمية الشتايم والألفاظ اللي قالوها؟؟
بجد مش عارفة اللي عملو كده عرب ومسلمين ازاي
بدايه كلامى سلام
اذيك يادعاء
ان شاء الله هنتجمع قريب واحنا بناخد حقنا من الجزاير
سلام عليكم
شدتنى مدونتك الجميله يادعاء
تعرفى موضوع الجزائر ومصر دا بينلى حاجات كتير اهمها اننا بجد مهما زعلنا من اى حاجه بتحصل فى مصر منقدرش نستحمل اى حد يكلم عنهااو يغلط فينا
بين حبنا للبلد الجميله دى
وان شاء الله حقنا يرجع
نجلاء
حلم كان
معدش باين مين اللي ليه حق فين يا مي
بس الاكيد ان اللي حصل اكتر حد استفاد منه اعداؤنا.... اسرائيل
لما توصل ان اسرائيل تطلب انها تبقى الواسطة علشان تصالح مصر والجزائر... يبقى اكيد الغلط فينا احنا
همسات
وعليكم السلام والرحمة
هي دي الحاجة الحلوة الوحيدة اللي خرجنا بيها من كل الازمة دي
طلعت الناس كلها بتحب مصر اوي
نورتيني مرورك
إرسال تعليق
سيب بصمتك... سيب كلمتك...